Պլան Բ-ն «Իմ քայլ»-ում դեմ­քի փո­փո­խու­թյուն կա­տա­րելն է, այսինքն` վարչապետին փո­խա­րի­նե­լը յու­րա­յին­նե­րից մե­կով. «Իրատես»

Ստեղծ­ված ի­րա­վի­ճա­կում Փա­շի­նյանն ու­նի իր պլան Բ-ն։ Դա «Իմ քայլ»-ում դեմ­քի փո­փո­խու­թյուն կա­տա­րելն է, այսինքն` վարչապետին փո­խա­րի­նե­լը յու­րա­յին­նե­րից մե­կով։ Սա, ի­հար­կե, իշ­խող կու­սակ­ցու­թյան վեր­ջին քայլն է։

Դա ակն­հայտ է դառ­նում վեր­ջին մի քա­նի օ­րե­րին ԱԺ նա­խա­գահ Ա­րա­րատ Միր­զո­յա­նի տա­րա­տե­սակ հրա­պա­րա­կա­յին հան­դի­պում­նե­րից։ Ա­րա­րատ Մի­րզո­յա­նին բա­վա­կա­նին լավ PR են ա­նում՝ ներ­կա­յաց­նե­լով որ­պես հա­վա­սա­րակ­շիռ կեր­պար, ին­չին գու­մար­վեցին նաև ծեծ­վա­ծի ի­միջն ու կա­րեկ­ցան­քը։

Ա­րա­րատ Միր­զո­յա­նը հան­դի­պում­նե­րի շարք է սկ­սել ար­տա­խոր­հր­դա­րա­նա­կան ու­ժե­րի հետ, այն ու­ժե­րի, ո­րոնք հայտ­նի 17 կու­սակ­ցու­թյուն­նե­րի մեջ չեն մտ­նում։ Պարզ է, որ այդ մարդ կու­սակ­ցու­թյուն­նե­րը ոչ մի կշիռ չու­նեն, նույ­նիսկ ճա­նա­չե­լիու­թյան ա­ռու­մով։ Քա­ղա­քա­կան կոն­սուլ­տա­ցիա­նե­րի ի­մի­տա­ցիա է ստեղծ­վում հնա­րա­վոր նոր կա­ռա­վա­րու­թյան ձևա­վոր­ման շուրջ՝ նոր վար­չա­պե­տի գլ­խա­վո­րու­թյամբ, և այս­տեղ դի­տարկ­վում է Ա­րա­րատ Միր­զո­յա­նի թեկ­նա­ծու­թյու­նը։

Դժ­վար է ա­սել՝ Փա­շի­նյանն ինքն է ա­ռաջ մղում պլան Բ-ն, թե նրան ներ­սից են դրան մղում, սա­կայն ակն­հայտ է, որ ան­գամ գոր­ծող վար­չա­պետն է սկ­սել հաս­կա­նալ, որ ա­նիշ­խա­նու­թյու­նը կա­րող է իր հա­մար քաո­սի վե­րած­վել, ին­չից կտու­ժի ոչ թե ընդ­դի­մու­թյու­նը, այլ հենց իշ­խա­նու­թյու­նը։ Ընդ­դի­մու­թյու­նը որևէ պա­տաս­խա­նատ­վու­թյուն չի կրում երկ­րի հա­մար։ Ան­հետ կո­րած տղա­նե­րի հա­րա­զատ­նե­րը, զոհ­ված­նե­րի ծնող­նե­րը, տն­տե­սու­թյան ճգ­նա­ժա­մից տու­ժած ժո­ղո­վուր­դը պա­հանջ­ներ ներ­կա­յաց­նե­լու են իշ­խա­նու­թյա­նը, ոչ թե ընդ­դի­մա­դիր­նե­րին։ Պլան Բ-ի դեպ­քում գու­ցե կա­րո­ղա­նան մի փոքր եր­կա­րաձ­գել իշ­խա­նու­թյու­նը, ար­տա­հերթ ընտ­րու­թյուն­ներ կա­տա­րել և վե­րար­տադր­վել։

Կարդացեք նաև

Ինչ հասկացա Փաշինյանի հարցազրույցից՝ նույնացնում է Արեւմտյան Հայաստանն ու Արեւմտյան Ադրբեջանը․ Վարդան Հարությունյան

• 11:02 24.11.2024

«Այն խումբը, որոնք կողմ են արագաչափերը հանելուն, ես կաջակցեմ, որ ստորագրահավաք սկսի». Փաշինյան

• 15:35 23.11.2024

«Վարչապետի հորդոր չի եղել, եղել է վարչապետի խնդրանք»․ Նիկոլ Փաշինյանը՝ Կարեն Անդրեասյանի հրաժարականի մասին

• 15:15 23.11.2024

…Այլ հարց է, թե որ­քա­նով կմարս­վի Փա­շի­նյա­նի պլան Բ-ն։ Որ­պես­զի հաս­կա­նանք, որ դա չի մարս­վե­լու, կա­րող ենք բե­րել ՀՀԿ-ի 2018 թվա­կա­նի օ­րի­նա­կը։ Այն ժա­մա­նակ Սերժ Սարգ­սյա­նի հրա­ժա­րա­կա­նը չօգ­նեց հան­րա­պե­տա­կան­նե­րին պա­հե­լու իշ­խա­նու­թյու­նը՝ նույ­նիսկ Կա­րեն Կա­րա­պե­տյա­նի նման պո­պու­լյար կեր­պար ու­նե­նա­լով կա­ռա­վա­րու­թյան ղե­կին։ Հա­մա­տա­րած ժխտ­ման ու էյ­ֆո­րիա­յի պայ­ման­նե­րում հան­րու­թյու­նը չըն­դու­նեց Կա­րեն Կա­րա­պե­տյա­նին։ Այ­սօր կա քա­ղա­քա­կան կոն­սեն­սուս՝ տն­տե­սու­թյու­նը տա­պա­լած, պա­տե­րազ­մը տա­նուլ տված, հո­ղե­րը հանձ­նած կամ ծա­խած իշ­խա­նու­թյունն իր ամ­բողջ թի­մով պետք է հե­ռա­նա ու իր տեղն արևի տակ փոր­ձի հաս­տա­տել ար­տա­հերթ ընտ­րու­թյուն­նե­րի մի­ջո­ցով։

Ա­րամ Վ. ՍԱՐԳ­ՍՅԱՆ

Հոդվածն ամբողջությամբ՝ «Իրատես» թերթի այսօրվա համարում