Երեւան քաղաքի ընդհանուր իրավասության դատարանը բավարարել է «Քաղաքացու իրավունքների պաշտպան» հ/կ-ի ղեկավար Կարեն Հեքիմյանի հայցադիմումը եւ անվավեր ճանաչել ԵՊՀ հոգաբարձուների խորհրդի թիվ 43 որոշումը, դադարեցրել ԵՊՀ ռեկտորի ժամանակավոր պաշտոնակատար Գեղամ Գեւորգյանի լիազորությունները:
Aravot.am-ը հեռախոսով փորձեց մեկնաբանություն ստանալ պարոն Գեւորգյանից, երբ ասացինք, որ Կարեն Հեքիմյանի հայցը բավարարվել է, ԵՊՀ ռեկտորի ժամանակավոր պաշտոնակատարն այս կերպ արձագանքեց. «Ով է Կարեն Հեքիմյանը, հիմա ինքը բավարարվա՞ծ է…»:
Հարցրինք՝ ինչ-որ բան պատրաստվո՞ւմ է անել: «Ես նոր տուն եմ եկել եւ պատրաստվում եմ հաց ուտել»,-ասաց նա: Նորից շեշտեցինք, որ դատարանի վճռով իր լիազորությունները դադարեցված են, ինչը համապատասխան հետեւանքներ է ենթադրում, Գեղամ Գեւորգյանը նորից կրկնեց. «Ասացիք, ես էլ ասում եմ՝ պատրաստվում եմ հաց ուտել, այդ մասին չեմ մտածում…Ինչու եք շարունակում»:
Կարդացեք նաև
Հիշեցնենք, որ Գեղամ Գեւորգյանը միաժամանակ «Էվոկա» բանկի խորհրդի նախագահի տեղակալն է, եւ «Հիմնադրամների մասին օրենքով, իսկ ԵՊՀ-ն հիմնադրամ է, իրավունք չուներ այլ վճարովի աշխատանք կատարել, ինչի մասին նախապես չէր տեղեկացրել ԵՊՀ հոգաբարձուների խորհրդին:
Գոհար ՀԱԿՈԲՅԱՆ
Գեղամ Գեւորգյանի լուսանկարը՝ ԵՊՀ-ի կայքից:
