Ռուսաստանը հույս ունի, որ Լեռնային Ղարաբաղի կարգավորման միջնորդները, ինչպես նաև միջազգային կազմակերպությունները խոսքից կանցնեն գործի և կսկսեն ակտիվորեն օգնել տարածաշրջանին: Այս մասին իր ամենամյա ասուլիսի ժամանակ հայտարարել է Ռուսաստանի նախագահ Վլադիմիր Պուտինը:
«Մենք մեծ հույս ունենք, որ միջազգային միջնորդներն ի վերջո խոսքից կանցնեն գործի և կսկսեն փաստացի օգնել մարդկանց, որոնք օգնության կարիք ունեն, առաջին հերթին Լեռնային Ղարաբաղ վերադարձող փախստականներին, որպեսզի ոչ միայն Ռուսաստանը դա անի՝ այնտեղ ուղարկելով մարդասիրական շարասյուներ, այլև միջազգային կազմակերպությունները նույնպես ի վերջո ծավալվեն. և՛ ՅՈՒՆԻՍԵՖ-ը, և՛ ՅՈՒՆԵՍԿՕ-ն, և՛ ՄԱԿ-ի պարենամթերքի կազմակերպությունը»,- ասել է Պուտինը:
Պատրաստեց՝ Վիկտորյա ԱՆԴՐԵԱՍՅԱՆԸ
