Հումանիտար ճգնաժամից բացի առաջիկա ամիսներին Արցախում իրենց զգացնել կտան նաեւ տնտեսական խնդիրները: Պատերազմը ահռելի հարված հասցրեց Արցախի Հանրապետության տնտեսության բոլոր ճյուղերին: Ադրբեջանաթուրքական ուժերը, զավթելով տարածքների 70 տոկոսը, էական հարված հասցրին Արցախի գյուղատնտեսության ոլորտին: Զգալի վնասներ կրեց նաեւ արդյունաբերության ոլորտը, եւ դա այն դեպքում, երբ հայկական երկրորդ հանրապետության տնտեսությունը, հատկապես վերջին տարիներին զարգանում էր մեծ ծավալներով ու արագությամբ: Վերջին տասնամյակում Արցախի Հանրապետության տնտեսության աճը տարեկան միջին հաշվով գերազանցում էր 10 տոկոսը: Այսօր միանշանակ պարզ է, որ Արցախի ապագան նաեւ տնտեսական համակարգի ուժեղացումն է: Այսօր հայկական պետության ինքնորոշման իրավունքի համար ճակատամարտը տեղափոխվել է նաեւ տնտեսության ոլորտ:
Արմեն ՎԱՐԴԱՆՅԱՆ
Նյութն ամբողջությամբ՝ «Հայաստանի Հանրապետություն» օրաթերթի այսօրվա համարում:
