Հոկտեմբեր-նոյեմբեր ամիսներին Հայաստանում Կարմիր խաչի միջազգային կոմիտեի (ԿԽՄԿ)
մարդասիրական աշխատանքների վերաբերյալ տեղեկագիր
ԿԽՄԿ-ն ավելի քան 8000 զանգ և 1000 անհատական այց է ընդունել ՝ ռազմական գործողությունների ընթացքում անհայտ կորած անձանց ընտանիքներից։
| – | Այցելել ենք հակամարտության առնչությամբ ազատազրկվածներին Հայաստանում և Ադրբեջանում, օգնել նրանց վերականգնել կապը ընտանիքների հետ Կարմիր խաչի ուղերձների միջոցով կամ բանավոր։ Պարզել ենք որոշ անհայտ կորած անձանց գտնվելու վայրը։ |
| – | ԿԽՄԿ միջնորդությամբ փոխանցվել և շարունակվում են փոխանցվել հակամարտության սրացման ընթացքում զոհվածների աճյունները համապատասխան իշխանություններին։ |
| – | Տրամադրել ենք խորհրդատվություն և տեխնիկական աջակցություն ազատազրկվածերի, անհայտ կորածների և նրանց ընտանիքների հարցերով զբաղվող իշխանություններին։ |
| 3 | դատաբժշկական կենտրոններ Հայաստանում ստացել են նյութական աջակցություն՝ սառնարան-պահոցներ, դիազննման սարքավորումներ և նյութեր։ Երևանում ԴՆԹ լաբորատորիան ստացել է տեխնիկական աջակցություն՝ վերլուծական կարողությունները զարգացնելու ուղղությամբ՝ համակարգչային սարքավորումներ, ծրագրային ապահովում, մասնագիտացված ազդանյութեր։ |
| 4 | շտապօգնության արկղեր՝ վիրակապական պարագաներով, տրամադրվել է ՀՀ առողջապահության նախարարությանը հակամարտության սրացման առաջին իսկ օրերին։ |
| 300 | բժշկական արտահագուստի հավաքածու (շապիկ, տաբատ և գլխարկ) տրամադրվել է առողջապահության նախարարությանը՝ ըստ կարիքների բաշխման համար։ |
| 7 | հիվանդանոցներ և բուժհիմնարկներ Գորիսում, Կապանում, Սիսիանում, Ջերմուկում, Եղեգնաձորում, Վարդենիսում և Մարտունիում համալրվել են հրազենային վիրավորման բուժման սարքավորումներով, ինչպես նաև COVID-19 կանխարգելման և վերահսկման նյութերով։ |
| 3 | բժշկական կենտրոններ Աշտարակում, Գորիսում և Իջևանում համապատասխանաբար ստացել են 70 անկողնային հավաքածու, 4 արտաքին ֆիքսատոր և 12 թթվածնի մատակարարման սարք՝ COVID-19 բուժման համար։ |
| 30 | հիվանդանոցային մահճակալ, կահույք, լվացքի մեքենա և չորանոց, բժշկական արտահագուստ և այլ նյութեր են գնվել Մարտունու հիվանդանոցի համար՝ աջակցելու հրազենային վիրավորում ստացած անձանց բուժմանը։ |
| 3 | կամավոր Լեռնային Ղարաբաղից տեղահանված անձանց շրջանից վերապատրաստվել է ԿԽՄԿ-ի հոգեբանի կողմից՝ հոգեսոցիալական աջակցություն ցուցաբերելու Գորիսում և հարակից համայնքներում ապաստանած երեխաներին և դեռահասներին։ |
| 90 | երեխա և դեռահաս՝ 5-16 տարեկան՝ մասնակցել է կամավորների կողմից կազմակերպած սոցիալ-հոգեբանական խմբային 21 հանդիպման։ |
| 12 | անձ՝ հակամարտության սրացումից տուժած՝ մասնակցել է ԿԽՄԿ-ի հոգեբանի վարած անհատական հանդիպումների։ |
| Ավելի քան
21700 |
բրդյա ծածկոց է բաժանվել Լեռնային Ղարաբաղից տեղահանված քաղաքացիական անձանց Երևանում, Սյունիքում, Գեղարքունիքում, Տավուշում, Արմավիրում, Կոտայքում, Արարատում և Վայոց Ձորում։ |
ՄոտԿարդացեք նաև4000 |
տեղահանված քաղաքացիական անձ Երևանում, Գեղարքունիքի, Վայոց Ձորի, Տավուշի, Կոտայքի, Սյունիքի և Արարատի մարզերում ստացել է հիգիենայի պարագաների փաթեթներ ԿԽՄԿ-ի և Հայկական Կարմիր խաչի ընկերության (ՀԿԽԸ) կողմից։ |
| Մոտ
2250 |
տեղահանված քաղաքացիական անձ Երևանում, Գեղարքունիքի, Վայոց Ձորի, Տավուշի, Կոտայքի, Սյունիքի և Արարատի մարզերում ստացել է կենցաղային պարագաներ, այդ թվում՝ անկողնային սպիտակեղեն, ներքնակներ, ծալվող մահճակալներ, բարձեր և բրդյա ծածկոցներ ԿԽՄԿ-ի և ՀԿԽԸ-ի կողմից։ |
| 343 | տաքացուցիչ է բաժանվել Ջերմուկ, Սևան, Վարդենիս և Գորիս քաղաքներում։ |
| 4 | մանկապարտեզներ Արարատում բարելավել են ջեռուցման համակարգերը և լոգասենյակների ջրամատակարարումը։ |
| 1 | թաղամաս Ջերմուկ քաղաքում ձմռանն ընդառաջ համալրվել է տաքացուցիչներով, պատուհանները ջերմամեկուսացնելու համար պոլիէթիլենային թաղանթով և վառելափայտով։ |
| Ավելի քան
3300 |
Լեռնային Ղարաբաղ վերադարձող քաղաքացիական անձ հակիրճ տեղեկացվել է պատերազմի պայթուցիկ մնացորդների վտանգի վերաբերյալ մեկնելուց առաջ՝ ավտոբուսներում։ Բաժանվել են նաև համապատասխան տեղեկատվությամբ թերթիկներ։ |
| 3000 | տեղեկատվական թերթիկ է տպվել և բաժանվել աղտոտված տարածքներում անվտանգ վարքագծի կանոնների մասին չպայթած զինամթերքի վերաբերյալ (հրթիռներ, ականանետեր, կասետային ռումբեր, արկեր)։ |
| 70 | ուսուցիչ է վերապատրաստվել Տավուշի մարզի դպրոցներում ռիսկերի մասին իրազեկման ու ապահով վարքագծի դասընթացներ անցկացնելու նպատակով։ ԿԽՄԿ-ն հզորացնում է ՀԿԽԸ-ի կարողությունները և տեխնիկական աջակցություն տրամադրում ուսումնական ձեռնարկ և իրազեկման նյութեր մշակելիս։ |
| 360 | դպրոցական ԼՂ-ից, որոնք ներկայումս բնակվում են ժամանակավոր կացարաններում կամ հյուրընկալող ընտանիքներում Սյունիքի, Գեղարքունիքի և Կոտայքի մարզերում, ԿԽՄԿ-ից և ՀԿԽԸ-ից ստացել են պլանշետներ՝ հեռավար ուսուցման համար։ |
| 100 | դպրոցական, որոնք ներկայումս բնակվում են Սյունիքում և Արարատում, ստացել են դպրոցական պարագաներ, պայուսակներ և գրենական պիտույքներ։ |
| 5 | դպրոց, 4 ապաստարան, 1 տեղական ՀԿ և Գորիսի համայնքապետարանը մասնակցել են կրթական կարիքների արագ գնահատմանը։ |
| 4 | թիմ՝ ԿԽՄԿ-ից և ՀԿԽԸ-ից կազմված՝ կատարել է Ղարաբաղյան հակամարտության սրացման արդյունքում տեղահանված անձանց կարիքների գնահատում։ |
| Մոտ
1350 |
անձ՝ ժամանակավոր կացարաններում բնակվող, կօգտվեն ՀԿԽԸ-ի և ԿԽՄԿ-ի կողմից տրամադրված առաջին օգնության արկղիկներից և սարքերից։ Նրանք նաև մասնակցել են առաջին օգնության և հոգեսոցիալական աջակցության դասընթացի։ |
| 4 | կամավորներ օգնել են ԿԽՄԿ-ին պատասխանել ռազմական գործողությունների ընթացքում անհայտ կորած անձանց ընտանիքների զանգերին։ |
Հայաստանում ԿԽՄԿ պատվիրակություն
