Այսօր լրատվամիջոցները հայտնեցին, որ Լոռու մարզպետ Անդրեյ Ղուկասյանը պատրաստվում է հրաժարականի դիմում ներկայացնել:
Լոռու մարզպետարանի տեղեկատվության եւ հասարակայնության հետ կապերի բաժնի պետի ժամանակավոր պաշտոնակատար Աննա Գասպարյանը մեզ հետ զրույցում հաստատեց լուրը, նշելով, որ վաղն օրվա երկրորդ կեսին Ղուկասյանը կներկայացնի նաեւ հրաժարականի պատճառները. «Ինչպես այսօր Լոռու մարզպետն առիթ է ունեցել լրատվամիջոցներին հայտնելու՝ վաղը հրաժարականի դիմում է ներկայացնելու: Իսկ պատճառների մասին կխոսի վաղը՝ տեսանյութի միջոցով, որը կհրապարակվի իր անձնական ֆեյսբուքյան էջում»:
Անդրեյ Ղուկասյանը Լոռու մարզպետի պաշտոնը զբաղեցնում է 2018 թվականի հոկտեմբերի 18-ից:
Իսկ շրջանառվող լուրերի համաձայն, մարզպետի պաշտոնում կնշանակվի նախկին պատգամավոր Արամ Խաչատրյանը, որը դեկտեմբերի 8-ին մանդատից հրաժարվելու դիմում էր ներկայացրել:
Կարդացեք նաև
Տաթեւիկ ՂԱԶԱՐՅԱՆ
