«Ամուսինս 1992-ին անհայտ կորել է Արծվաշենում: Որդիս 13 տարեկանից պայքարել է հայրենիքի համար, հիմա նա էլ է անհայտ կորած»,-«Հայելի» մամուլի ակումբում հրավիրված սևազգեստ մայրերի ասուլիսում հայտարարեց տիկին Կարինեն:
Նա նշեց՝ իր որդին՝ Գարիկը, Պահապան ազատամարտիկների միության նախագահն է, վերջին անգամ նրա հետ խոսել է հոկտեմբերի 27-ին: Տիկին Կարինեն վրդովված, հուսահատված է. «Որդուս ձայնը 18 օր չեմ լսել, բոլոր դռները ծեծել եմ, բայց ապարդյուն. իմ որդին չկա: Անգամ Նիկոլին էլ եմ նամակ գրել, բայց անարդյունք»:
Սևազգեստ մայրն ասաց՝ հուսահատված է, չգիտի՝ ուրիշ ուր դիմել: Նա՝ արցունքն աչքերին պատմեց. «Դիմել եմ ՊՆ, ԱԱԾ, Կարմիր խաչ, անգամ արյուն եմ տվել ԴՆԹ-ի համար, անգամ Ռուսաստան եմ նամակներ ուղարկել, բայց ոչ մի արդյունք: Ուղիղ 18 օր է իմ երեխան չկա. ոչ մի արձագանք չեմ ստացել, սրանից հետո Նիկոլից կամ մյուսներից ի՞նչ արձագանք պիտի լսեմ: Նա ի՞նչ իրավունք ունի Եռաբլուր գնալու, մեր երեխաներն անհայտ կորել են, մյուսները զոհվել է, վիրավորներ կան»:
Տաթև ՀԱՐՈՒԹՅՈՒՆՅԱՆ
