Երևանում այսօր իրականացված «Արժանապատվության երթն» ավարտվեց Ֆրանսիայի հրապարակում: «Հայրենիք» կուսակցության նախագահ Արթուր Վանեցյանը հայտարարեց, որ հանրապետությունում անհնազանդության ցույցերը վաղը նույնպես կշարունակվեն:
Հիշեցնենք, մայրաքաղաքի տարբեր փողոցներից այսօր «Արժանապատվության երթ» էր սկսվել: Ցուցարարները շարժվեցին դեպի Ֆրանսիայի հրապարակ: Ցույցի կազմակերպիչը «Հայրենիքի փրկության շարժում» ընդդիմադիր կուսակցությունների միությունն է: Ցույցի մասնակիցները պահանջում էին Նիկոլ Փաշինյանի հրաժարականը, քանի որ նա կապիտուլյացիայի փաստաթուղթ է ստորագրել՝ վտանգելով Արցախի եւ ՀՀ-ի անվտանգությունը: Ցույցն ուղեկցվում էր ոստիկանների եւ ցուցարարների անընդհատ բախումներով: Ցույցի մասնակիցների նկատմամբ ոստիկանները ուժ էին կիրառում: Ֆրանսիայի հրապարակից էլ բերման ենթարկեցին:
Նելլի ԳՐԻԳՈՐՅԱՆ
