Եվրամիության կառավարությունների և պետությունների ղեկավարների հանդիպմանը համաձայնեցվել է, որ Թուրքիայի դեմ պատժամիջոցներ են սահմանվում, հաղորդում է Lenta.ru-ն:
Գագաթնաժողվում քննարկման առանցքային թեմաներից մեկը եղել են Թուրքիայի գործողությունները Միջերկրական ծովում: ԵՄ ղեկավարները որոշել են ընդլայնել պատժամիջոցները Թուրքիայի դեմ՝ վերջինիս անօրինական գործողությունների պատճառով:
«ԵՄ-ը հավատարիմ է մնում միության և անդամ-երկրների շահերի, ինչպես նաև տարածաշրջանային կայունության պաշտպանությանը: Այդ կապակցությամբ գագաթնաժողովը հանձնարարում է ԵՄ խորհրդին ընդունել լրացուցիչ սև ցուցակ՝ հիմնված 2019թ. նոյեմբերի 11-ի որոշման վրա»,- ասվում է փաստաթղթում:
Հիշեցնենք, նոյեմբերին Եվրախորհրդարանն ընդունել էր բանաձև՝ կոչ անելով կոշտ պատժամիջոցներ սահմանել Թուրքիայի դեմ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
