«Էրդողանի հայտարարությունները հակասում են իրար: Նա շարունակում է ժխտել ցեղասպանությունը եւ ցեղասպանությունն իրականացնողի անունը դիտավորյալ, հատուկ հնչեցնում է: Սա նշանակում է, որ իրենք չեն հրաժարվել ցեղասպանական քաղաքականությունից: Հետեւաբար, անվտանգության առումով չենք կարող վստահություն ունենալ»,-խորհրդարանական ճեպազրույցների ընթացքում այսօր անդրադառնալով երեկ Բաքվի զորահանդեսում Թուրքիայի նախագահի հայտարարություններին՝ ասաց «Լուսավոր Հայաստան» խմբակցության պատգամավոր Էդմոն Մարուքյանը:
Member of ‘Bright Armenia’ faction Edmon Marukyan hold parliamentary briefing at the RA NA
«Ադրբեջանի եւ Թուրքիայի նախագահների հայտարարություններն, ըստ էության, նրա մասին են, որ դեռ երկար այս տարածաշրջանում խաղաղության մասին խոսելը վաղ է լինելու: Նրանք այդ հայտարարություններով նաեւ Ռուսաստանի դեմ են գնում, որովհետեւ եռակողմ հայտարարության միջնորդն ու պահպանողը ՌԴ-ն է՝ որպես ՄԱԿ-ի անվտանգության խորհրդի մշտական եւ ԵԱՀԿ ՄԽ համանախագահող երկիր»,-նկատեց Մարուքյանը:
Նրա խոսքով. «Մինչեւ իրենք չձերբազատվեն ցեղասպանական հայտարարություններից…նախ, առաջին անգամ չեն ասում, որ Երեւանն էլ է իրենցը: Բազմիցս են ասել: Մինչեւ չհրաժարվեն այդ մոտեցումներից, չեմ պատկերացնում որեւէ հարաբերություն, գործակցություն հանուն տարածաշրջանի զարգացման կամ առեւտուր անելու: Նախ, պետք է այդ հռետորաբանությունից հրաժարվեն: Պետք է լինեն ակնհայտ երաշխիքներ, որ որեւէ ոտնձգություն չպետք է լինի ՀՀ սուվերեն տարածքի կամ Արցախի մնացած տարածքի հանդեպ: Դա տարիների հանգամանք է»:
Կարդացեք նաև
Լուիզա ՍՈՒՔԻԱՍՅԱՆ
