17 ընդդիմադիր ուժերի միավորող «Հայրենիքի փրկության շարժման» բողոքի գործողությունների արդյունքում դեկտեմբերի 10-ին կաթվածահար էր եղել Երեւանի մետրոպոլիտենի աշխատանքը։ Վարչապետ Նիկոլ Փաշինյանի հրաժարականը պահանջող ցուցարարները կանգնեցրել են գնացքները։ Համացանցում տարածված կադրերում երեւում են մետրոյի կայարաններում գնացքի սպասող ուղեւորների կուտակումներ եւ կանգնած, կիսադատարկ գնացքներ։
Երեւանի մետրոպոլիտենի մամուլի խոսնակ Տաթեւ Խաչատրյանը քիչ առաջ տեղեկացրեց. «Հարգելի’ գործընկերներ, Կարեն Դեմիրճյանի անվան Երևանի մետրոպոլիտենի աշխատանքները վերսկսվեցին 09:45-ի դրությամբ»:
Լուիզա ՍՈՒՔԻԱՍՅԱՆ
