«Ամերիկայի ձայն». ՄԱԿ-ի խոսնակ Սթեֆան Դուջարիչը լրագրողների հետ զրույցի ընթացքում պատասխանել է ԼՂ-ում ՄԱԿ-ի ներգրավվածության մասին հարցին, ուր նշել է, որ ՄԱԿ-ի կառույցների ներգրավման մեջ չկան խոչընդոտներ, սակայն որոշ հարցեր դեռևս մշակման փուլում են:
Նա կրկին ընդգծել է ՄԱԿ-ի պատրաստակամությունը՝ հայկական և ադրբեջանական կողմերին մարդասիրական աջակցություն ցուցաբերելու մասին:
«Մեր OCHA-ի գործընկերները (Մարդասիրական հարցերի համակարգման գրասենյակ) և ՄԱԿ-ի այլ համապատասխան գործակալություններ և մարմիններ աշխատում են բոլոր շահագրգիռ կողմերի հետ` Լեռնային Ղարաբաղում և հարակից տարածքներում նախնական անկախ միջգերատեսչական գնահատում իրականացնելու համար, որպեսզի հստակ պատկերացում կազմվի տեղում մարդասիրական և ցանկացած այլ կարիքների վերաբերյալ:
Կարծում եմ, որ շատ կարևոր է, որ բոլոր համապատասխան դերակատարողները լիովին համագործակցեն մեզ հետ` անխոչընդոտ մուտքն ապահովելու և առաքելությունն առաջ շարժելու համար»,- հայտարարել է ՄԱԿ-ի խոսնակը:
Կարդացեք նաև
Արամ ԱՎԵՏԻՍՅԱՆ
Կարծում եմ ՄԱԿ-ի համապատասխան կառույցի ղեկավարին պետք է առաջարկել ուսումնասիրություններ կատարել և որոշել ինչով կարելի է օգնել Սիրիայի իսլամիստական կազմակերպությունների անդամներին,որպեսզի նրանք մի քանի հազար դոլարի համար գործիք չդառնան թուրք-ադրբեջանական և այլ ուժերի համար ու վերընկնեն իրենց տներում և թնդանոթի միս չդառնան:ՄԱԿ-ի քար լռության արդյունք են նաև Սիրիայի կործանիչ պատերազմը և իսլամիստական կազմակերպությունների առաջացումը….,այնպես,որ ՄԱԿը մտորելու բաներ շատ ունի…