«1991 թվականի դեկտեմբերի 10-ին տեղի ունեցավ Արցախի անկախության հանրաքվեն, որի արդյունքում արցախցիների 99․8 տոկոսը կողմ քվեարկեց անկախությանը։
Ուղիղ 15 տարի անց՝ 2006 թվականի դեկտեմբերի 10-ին անցկացվեց Արցախի Հանրապետության առաջին Սահմանադրության նախագծի ընդունման համաժողովրդական հանրաքվեն։
Արցախում Սահմանադրության ընդունման օրը տոնական է եւ ոչ աշխատանքային, բայց ոչ այս տարի… Այս անգամ Արցախի Հանրապետության անկախության հանրաքվեի եւ Սահմանադրության ընդունման օրը Բաքվում անցկացվեց «Հաղթանակի զորահանդես»։
«Այսօր Էնվեր փաշայի հոգու լուսավորվելու օրն է»,- ասել է մերօրյա սուլթանը Բաքվի զորահանդեսի ժամանակ։ Փաստորեն Էրդողանի երազանքն է ավարտին հասցնել Էնվեր փաշայի՝ Հայոց ցեղասպանության կազմակերպիչներից մեկի գործը։ Այս ամենի համատեքստում պարզապես անիմաստ է հույս ունենալ, որ հնարավոր է թուրք եւ նրա «փոքր եղբայր ադրբեջանցու» հետ որեւէ կառուցողական զրույց ունենալ։ Յաթաղանն օդում է։ Մեզ մնում է կամ բռնել յաթաղանը բարձրացրած ձեռքը, կամ…
Կարդացեք նաև
Չափազանց ծանր է հայրենիքի կորստի ցավը, քանի որ Ադրբեջանի վերահսկման տակ անցած Արցախի շրջանները միայն տարածք չէին։ Մեզ համար այն սուրբ հող է, քանի որ նրա ամեն մի կտորը ներծծված է հայորդիների արյամբ։ Ծանր է շնչում Արցախի հողը, որովհետեւ նրա վրայով արդեն քայլում է թշնամին…»:
Լուսինե ՄԽԻԹԱՐՅԱՆ
Հոդվածն ամբողջությամբ՝ «Հայաստանի Հանրապետություն» օրաթերթի այսօրվա համարում
Էրդողանին պետք է հիշեցնել ինչպես է ավարտվել էնվեր փաշայի կյանքը…