«Պատերազմից հետո վարկերի հետ կապված լուրջ անելիք ունենք: Բանկերի միությունը պատրաստակամ է օժանդակելու զինվորների ընտանիքներին՝ թեթեւացնելու վարկային բեռը: Ինձ հայտնի են դեպքեր, երբ առեւտրային բանկերն արդեն իսկ վերանայել են բազմաթիվ վարկեր եւ վարկային պատմություններ, էական զիջումներ արել»,-ԱԺ լիագումար նիստում այսօր հայտարարեց ՀՀ կենտրոնական բանկի խորհրդի անդամի պաշտոնում ԱԺ ֆինանսավարկային եւ բյուջետային հարցերի հանձնաժողովի կողմից որպես թեկնածու առաջադրված, ԿԲ գործող գլխավոր քարտուղար Դավիթ Նահապետյանը:
Դավիթ Նահապետյան
«Անելիք կա նաեւ կառավարության հետ, երկխոսությունը սկսել ենք: Կարծում եմ՝ ավելի արդյունավետ լուծումներ կկարողանանք գտնել»,-հավելեց նա:
Դավիթ Նահապետյանի խոսքով՝ դեռ վերջնական պատկեր չկա, թե Ադրբեջանի վերահսկողությանը հանձնված Արցախի տարածքներում որքան ֆինանսական ներդրումներ են արվել վարկային, ֆինանսական կազմակերպությունների եւ անհատների կողմից, բայց ԿԲ-ն տեղեկատվության ակտիվ հավաքագրում է իրականացնում. «Ադրբեջանին անցած Արցախի տարածքներում եղել են վարկային եւ մասնավոր լուրջ ներդրումներ: Գնահատականն այսօր տրվում է: Այս հարցով էլ ՀՀ եւ Արցախի կառավարությունների հետ աշխատում ենք: Ամբողջական պատկերից հետո հստակ կլինի, թե ինչ քայլեր կարվեն: Դրանք, միանշանակ, լինելու են»:
Կարդացեք նաև
Լուիզա ՍՈՒՔԻԱՍՅԱՆ
