«Այո, այս պահին հատկապես պարենի շուկայում որոշակի գնաճ է նկատվում եւ միջազգային շուկայում: Բնականաբար, մենք որպես ներկրող երկիր, ենթակա ենք գնաճի ազդեցություններին: Բայց մեզանում գնաճի ֆոնը բավականին ցածր է: Այս պահին տասներկուամսյա գնաճը կես կամ մեկ տոկոս է կազմում»,-ԱԺ լիագումար նիստում այսօր հայտարարեց ՀՀ կենտրոնական բանկի խորհրդի անդամի պաշտոնում ԱԺ ֆինանսավարկային եւ բյուջետային հարցերի հանձնաժողովի կողմից որպես թեկնածու առաջադրված, ԿԲ գործող գլխավոր քարտուղար Դավիթ Նահապետյանը՝ անդրադառնալով հայաստանյան շուկայի գնաճին:
Դավիթ Նահապետյան
«Վերջնական գնահատականի համար սպառումը եւս պետք է գնահատել: Կարծում եմ՝ տարվա արդյունքով կմոտենանք գնաճի թիրախի ստորին մակարդակին: Նախնական կանխատեսումը գնաճի 2,5% է, իսկ վերջնական գնահատականը առաջիկա շաբաթում կլինի: Այս պահին գնաճը կառավարելիության սահմաններում է»-հավելեց Դավիթ Նահապետյանը:
Լուիզա ՍՈՒՔԻԱՍՅԱՆ
Կարդացեք նաև
