«Ամենօրյա աշխատանք է արվում այդ ուղղությամբ: Ցավոք, այդ աշխատանքները դեռ չեն հասել հանգուցալուծմանը, բայց մենք ամեն ինչ կանենք, որ դա տեղի ունենա»,-կառավարություն-ԱԺ հարցուպատասխանի ժամանակ այսօր հայտարարեց ՀՀ վարչապետ Նիկոլ Փաշինյանը՝ անդրադառնալով գերիների փոխանակման աշխատանքներին: Փոխվարչապետ Տիգրան Ավինյանն էլ իր հերթին անդրադարձավ նույն հարցին:
«Որոշակի զարգացումներ կան գերիների եւ անհետ կորած անձանց վերաբերյալ: Հայկական եւ ադրբեջանական կողմերն արդեն ցանկեր են ներկայացրել գերիների եւ քաղաքացիական անձանց: Հիմա ցանկերի ճշտման գործընթացն է տեղի ունենում: Ցանկերի վերջնական հաստատումից հետո տեղի կունենա վերջնական փոխանակումը: Առաջարկել ենք երկու հիմնական սկզբունք՝ բոլորը բոլորի դիմաց, եւ Ադրբեջանը նույնպես այդ սկզբունքի կողմնակից է:
Նաեւ առաջարկել ենք հետագայում՝ գերիների փոխանակումից հետո, գերիների հայտնաբերման դեպքերում առանց նախապայմանի եւ միակողմանի վերադարձի սկզբունքը: Կարծում եմ՝ այն եւս պետք է հայտարարվի: Ինչ վերաբերում է անհետ կորածներին, որոնողական աշխատանքների մեծ ծավալ է արվել: Նոյեմբերի տասից ի վեր ռազմադաշտից դուրս են բերվել 846 մարմիններ»,-տեղեկացրեց նա:
Կարդացեք նաև
Լուիզա ՍՈՒՔԻԱՍՅԱՆ
