«Կուսակցությունների գաղափարախոսությունը կամ դրա չգոյությունը, պետական կառավարման մասին նրա պատկերացումները կամ տեսլականը չեն կարող լինել բացառապես այդ կուսակցության սուվերեն իրավունքը: Նման կուսակցությունը, ստանալով իշխանության գալու իրավունք, չի կարող չստանձնել որեւէ պարտավորություն»,-ԱԺ նիստում այսօր «Իմ քայլի» պատգամավոր Համազասպ Դանիելյանի հեղինակած՝ «Կուսակցությունների մասին օրենքի» քննարկման ժամանակ հայտարարեց անկախ պատգամավոր Արման Բաբաջանյանը:
«Օրենքը պետք է շատ խիստ պահանջներ դնի քաղաքական կուսակցության անվան տակ հանդես եկող եւ ընտրություններին մասնակցելու հայտ ներկայացնող կազմակերպությունների նկատմամբ: ՀՀ նորագույն պատմությունը ցույց է տալիս, որ մի խումբ մարդկանցով իշխանություն բռնազավթելու համար նախ պետք է բռնազավթել կուսակցության ներսում իշխանությունը: Այդպիսի բան եղավ 2007թ.-ին, երբ Անդրանիկ Մարգարյանի մահից հետո Սերժ Սարգսյանը մի քանի շաբաթում զավթեց ՀՀԿ-ն, իր հավատարիմ օլիգարխների հետ գրավեց ՀՀԿ-ի ղեկավար մարմինը՝ ոչնչացնելով այդ կուսակցության համեմատաբար քաղաքական մասը եւ առաջին պլան բերելով քրեաօլիգարխիան»,-հավելեց Արման Բաբաջանյանը:
Կարդացեք նաև
Լուիզա ՍՈՒՔԻԱՍՅԱՆ
