«Մի մտահոգիչ կետ կա այստեղ: Մենք այս ամենը կիրառելու արդյունքում կուսակցություններ ենք փակելու, որովհետեւ կլինի կուսակցություն, որն ունի անուն, բայց պատմական գործունեությամբ է ծառայել ՀՀ-ին, իսկ այսօր այդպես չի գործում: Արդյոք ճի՞շտ է նրանց փակելը»,-ԱԺ նիստում այսօր «Իմ քայլի» պատգամավոր Համազասպ Դանիելյանի հեղինակած՝ «Կուսակցությունների մասին օրենքի» քննարկման ժամանակ հայտարարեց «Լուսավոր Հայաստանի» պատգամավոր Գեւորգ Գորգիսյանը:
«Եթե այս ամենը կիրառենք ողջ խստությամբ, որոշ կուսակցություններ ստիպված են լինելու փակվել: Մի քանիսին ես կարող եմ թվարկել, դուք էլ: Եկեք դրույթները կիրառենք այն կուսակցությունների համար, որոնք մասնակցել կամ պատրաստվում են մասնակցել ընտրություններին, կամ որոնց ֆինանսական շրջանառությունն ինչ-որ գումարից ավելի է: Ի վերջո, կուսակցությունում գաղափարապես համակիրներ են համախմբված: Ճի՞շտ է փակել այն կուսակցությունները, որոնք քաղաքական գործունություն չեն ծավալում, բայց ունեն գաղափարական հենք, եւ գուցե ինչ-որ պահի վերադառնան»,-հարցադրում արեց նա:
Կարդացեք նաև
Լուիզա ՍՈՒՔԻԱՍՅԱՆ
