Երեւանի ընդհանուր իրավասության դատարանի Շենգավիթի նստավայրում՝ դատավոր Մեսրոպ Մակյանի նախագահությամբ «Սասնա ծռեր» խմբի տասն անդամի գործով այսօրվա դատական նիստը կարճ տեւեց: Պաշտպանների մեծ մասը դատարան չէր ներկայացել:
Հիշեցնենք, որ գործը դատական վիճաբանությունների փուլում է եւ պետք է պաշտպանական ճառերը հնչեն: Սակայն, բավական երկար ժամանակ, պաշտպանները ճառերով հանդես չեն գալիս: Դատավոր Մեսրոպ Մակյանն այսօր վերջնաժամկետ սահմանեց պաշտպանական ճառերի համար`հայտարարելով, որ այլապես կհեռանա խորհրդակցական սենյակ` առանց դրանք լսելու:
Հաջորդ նիստը կկայանա դեկտեմբերի 23-ին: Դա էլ պաշտպանական ճառերի համար սահմանված վերջնաժամկետն է:
Նելլի ԳՐԻԳՈՐՅԱՆ
