Էջմիածնի ավագանին՝ որպես հավաքական մարմին, որպես տեղական ինքնակառավարման մարմնի ղեկավար, վարչապետի հրաժարականի պահանջով հայտարարություն չի տարածել: ՀԺ-ի հետ զրույցում այդ մասին հայտնեց Էջմիածնի քաղաքապետ Դիանա Գասպարյանը:
Քաղաքապետը ծանոթ է վարչապետի հրաժարականին միացած ավագանու անդամների հայտարարություններին, որ նրանք հրապարակել են իրենց ֆեյսբուքյան էջերում:
«Տեքստը կարծեք թե կրկնվող էր, միանում էին վարչապետի հրաժարականի պահանջով ակցիաներին: Պահանջը ձեւակերպված էր այնպես, որ քաղաքացիների մոտ տարընթերցման տեղիք էր տալիս (գրել էին հոգնակի թվով՝ պահանջում ենք), բայց ցանկանում եմ ընդգծել, որ ավագանին ունի 14 անդամ, իսկ դա առանձին անդամների դիրքորոշում է, այն չի արտահայտում ավագանու՝ որպես հավաքական մարմնի եւ որպես տեղական ինքնակառավարման ղեկավար մարմնի դիրքորոշումը. Էջմիածնի ավագանին՝ որպես մարմին, նման հայտարարություն չի տարածել»,- նշեց նա:
Ընդ որում, ըստ քաղաքապետի, ավագանու այդ անդամներից մեկը (Սուրեն Մուրադյան-խմբ.) 2018-ին առաջադրված է եղել որպես քաղաքապետի թեկնածու, չի ընտրվել, այնուհետեւ «Լուսավոր Հայաստան» կուսակցության ցուցակով փորձել է որպես ռեյտինգային թեկնածու ընտրվել, դարձյալ չի ընտրվել: Ավագանու մյուս անդամը, որը պահանջել է Փաշինյանի հրաժարականը, շուրջ 2 տարի է՝ գտնվում է ԱՄՆ-ում՝ (Կարեն Մկրտչյան-խմբ.) չնայած լիազորությունները դադարեցված չեն:
Կարդացեք նաև
Սյուզաննա ՊՈՂՈՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
