Այս պահին մետրոպոլիտենի աշխատանքները դադարեցված են: Մետրոպոլիտենի կայարանների դռների առջեւ կանգնած ոստիկաններն արգելում են քաղաքացիներին օգտվել մետրոյի ծառայությունից:
Aravot.am-ի հարցին ի պատասխան, Մետրոպոլիտենի լրատվական ծառայության ղեկավար Տաթեւ Խաչատրյանը հաստատեց, որ այս պահին մետրոպոլիտենի աշխատանքները դադարեցված են՝ նշելով, որ մայրաքաղաքում այս պահին տեղի ունեցող անհնազանդության ցույցերի շրջանակում Կարեն Դեմիրճյանի անվան մետրոպոլիտենի աշխատանքը կաթվածահար է եղել, ինչի համար էլ ոստիկանները թույլ չեն տալիս օգտվել մետրոյի ծառայությունից:
Մեր զրուցակցի խոսքով, «Գործարանային» կայարանում քաղաքացիները կանգնել են դռների արանքում եւ թույլ չեն տվել, որ գնացքը շարունակի ճանապարհը, այդ պատճառով էլ մետրոյի աշխատանքը կանգնեցվել է: Դեռ պարզ չէ՝ մետրոպոլիտենը, երբ կվերականգնի աշխատանքը: Տաթեւ Խաչատրյանի խոսքով, այդ մասին լրացուցիչ կհայտնեն:
Լուսինե ԲՈՒԴԱՂՅԱՆ
Կարդացեք նաև
