Լեռնային Ղարաբաղի Հանրապետությունում զինված հակամարտությունից հետո բժշկական սպասարկման ոլորտում կադրերի պակաս կա, ռուս խաղաղապահներն այդ հարցում օգնություն են ցուցաբերում: Այս մասին հայտնում է «ՌԻԱ Նովոստին»՝ վկայակոչելով ռուս խաղաղապահների Բժշկական սպասարկման կենտրոնի ղեկավար Եգոր Դեմիդովիչինին:
«Ցավոք, բազմաթիվ բժիշկներ ռազմական գործողությունների ընթացքում հեռացել են այստեղից և մինչ այժմ չեն վերադարձել: Միաժամանակ եկել են մասնագետներ Երևանից, վիրահատություններ են արել: Բայց ռազմական գործողություններն ավարտվել են, և նրանք վերադարձել են: Ուստի կադրերի պակասը մնում է. որոշ շրջաններում առավել սուր, որոշ շրջաններում՝ պակաս»,- ասել է Դեմիդովիչը:
Պատրաստեց՝ Վիկտորյա ԱՆԴՐԵԱՍՅԱՆԸ
