«Խնդիրներից մեկը Մեղրիի ճանապարհն է, որը Հայաստանում այնքան չի քննարկվում, որքան Թուրքիայում: Էրդողանն անգամ արդեն ներկայացնում է այդ ճանապարհը, թե ինչպես է այն անցնելու Մեղրիով, ինչ ոճի ճանապարհ է լինելու եւ այլն»,- հետպատերազմյան ներքաղաքական իրավիճակից ելքերի ճանապարհային քարտեզի ներկայացման նպատակով «Լուսավոր Հայաստանի» նախաձեռնած խորհրդարանական լսումների ժամանակ այսօր հայտարարեց թուրքագետ Ռուբեն Մելքոնյանը:
Նա որպես սպառնալիք որակեց այն հանգամանքը, որ Թուրքիան կարող է որոշել Հայաստանի հետ սահմանները բացել: «Հռետորական հարց տամ: Թուրքիան վաղը կարող է հայտարարել Հայաստանի հետ սահմանները բացելու պատրաստակամության մասին։ Ի՞նչ պետք է անի Հայաստանը, արդյոք կա՞ ծրագիր` այդ սպառնալիքը կանխելու կամ դրան պատրաստ լինելու համար: Հիշեցնեմ, որ սահմանները չբացելու նախապայմանը 90-ականների սկզբին է եղել, ոչ թե Փաշինյանի ասած ֆուտբոլային դիվանագիտությունը: Դրա համար բավարար է պատմության դասագիրք ուսումնասիրել»,-եզրափակեց Ռուբեն Մելքոնյանը:
Կարդացեք նաև
Լուիզա ՍՈՒՔԻԱՍՅԱՆ
