Աստված մի փոքր ցնցեց մեզ, որպեսզի ձերբազատվենք ամբարտավանությունից, հպարտությունից, փողոցային արդարադատությունից, ատելության քարոզից:
Այսօր առերևույթ ձևավորվող ժամանակավոր կառավարությունը ոչ միայն շարունակում է ատելության քարոզը, այդ ամենից զատ ավելացրել է նաև վախի մթնոլորտը:
Այսինքն, հետևություն անելու փոխարեն, թե ինչու նախկին իշխանություններն իրենց ավելորդ ինքնավստահության, ամբարտավանության պատճառով դարձան մերժելի ժողովրդի համար, հետևություն անելու փոխարեն, թե ինչու այսօրվա իշխանություններն ընտրեցին անսխալականության բարդույթն ու փողոցային արդարադատությունը և պետականությունը դրեցին վտանգի տակ, այսօրվա 17 կուսակցություններից ձևավորված առերևույթ ժամանակավոր կառավարությունը ոչ ավել, ոչ պակաս պարտադրում է օրինական ընտրված իշխանության հրաժարականը և պայմաններ թելադրում:
Դատապարտում եմ ցանկացած բռնության կոչ, ատելության քարոզ և փաստում.
Կարդացեք նաև
1.Մի ամբողջ ազգից խլած արժանապատվությունը հնարավոր է վերականգնել բացառապես ազգային միավորված ուժերի կողմից:
2.Հայաստանին անհրաժեշտ է օրենքի դիկտատուրա և իրավունքի գերակայություն:
3.17 կուսակցություններից ձևավորված միավորումը ունակ և ընդունակ չէ լուծելու ազգային խնդիրներ, երբ այդ միավորման տակից երևում են օլիգարխիկ, ռևանշիստական կառույցներն իրենց հարամ փողերով: Փողեր, որ ժամանակին պետք է ներդրված լինեին երկրի տնտեսության մեջ, որպեսզի այսօր օրինապաշտ քաղաքացուց չխլեին իր արժանապատվությունը:
4.Իրավամբ, օրինական ընտրված իշխանությունն ունի վստահության քվեի խնդիր, ուստի պարտավոր է անհապաղ անցկացնելու վստահության հանրաքվե, եթե ոչ՝ կամավոր հեռանա:
5.Հայաստանն այլևս պետք է ղեկավարեն բացառապես ազգային գաղափարախոսությամբ օժտված ուժեր և կարևոր է, որ այդ ուժը ձևավորվի սփյուռքի և տեղի ներուժի հաշվին:
Անհրաժեշտ է օրենքի դիկտատուրա և իրավունքի գերակայություն:
Լևոն ԲԱՂԴԱՍԱՐՅԱՆ
«ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ» ՍՊԸ գլխավոր տնօրեն
