Ֆեյսբուք սոցիալական ցանցում օրերս տեսանյութ է հրապարակվել, որտեղ, ըստ մեկնաբանությունների, ադրբեջանցիների կողմից գրաված տարածքների անտառներում կան ողջ զինվորներ, որոնք չեն հանձնվում եւ պաշտպանվում են իրենց մոտ եղած զենքերով:
Տեսանյութում ադրբեջանցիներ են, որոնք կրակում են անտառների ուղղությամբ եւ այնտեղից պատասխան կրակ ստանում:
Ըստ մեկնաբանությունների՝ ադրբեջանցի զինվորները փորձում են գերի վերցնել տղաներին, բայց նրանք զինված են եւ դեռ կարողանում են պաշտպանվել։ Հստակ չի երեւում՝ որ տեղանքի մասին է խոսքը:
Տեսանյութը շրջանառողները հրավիրում են իշխանության ներկայացուցիչների, միջազգային կառույցների, այդ թվում՝ Կարմիր խաչի ուշադրությունը՝ միջամտելու, որպեսզի մեր զինվորները գերի չընկնեն:
Կարդացեք նաև
Թե ի՞նչ տեսանյութ է, ծանո՞թ են արդյոք այդ հրապարակմանը, արդյոք պաշտպանության նախարարությունն ուսումնասիրե՞լ է տեսանյութում առկա փաստերը եւ այլն, Aravot.am-ը դիմեց ՀՀ ՊՆ-ին:
Նախարարությունից հայտնեցին, որ տեսանյութը ենթարկվում է մանրամասն ուսումնասիրության եւ փորձաքննության արդյունքների մասին լրացուցիչ կտեղեկացնեն:
Տեսանյութը, սակայն այսօր կեսօրից հետո հանվեց սոցիալական ցանցից:
Լուսինե ԲՈՒԴԱՂՅԱՆ
