Aravot.am-ը տեղեկություն ստացավ, որ քիչ առաջ բերման է ենթարկվել քրեական հեղինակություն հանդիսացող Ալիկ Բանդուրյանը, որը առավել հայտնի է Նորատուսցի Ալիկ մականվամբ: Ըստ որոշ տեղեկությունների՝ նրան բերման են ենթարկել ապօրինի զենք կրելու կասկածանքով: Տեղեկությունը, սակայն չհաստատեցին ՀՀ ոստիկանության լրատվական ծառայությունից:
Հարցն ուղղեցինք նաեւ ԱԱԾ-ին: Մեր հարցին ի պատասխան, ԱԱԾ մամուլի պատասխանատու Սարգիս Գեւորգյանն ասաց, որ այսօր չի կարող որեւէ բան ասել եւ մեր հարցին կպատասխանի ավելի ուշ՝ վաղը:
Քննչական կոմիտեից նույնպես տեղեկությունը չհաստատեցին:
Հատուկ քննչական ծառայությունից Aravot.am-ին հայտնեցին, որ իրենց մոտ նման դեպք չկա:
Կարդացեք նաև
Ըստ մամուլի հրապարակումների, Ալիկ եւ Արա Բանդուրյան եղբայրները, որոնք քրեական աշխարհում հայտնի են Նորատուսցի եղբայրներ անունով, մտերիմ են «Իմ քայլը» խմբակցության պատգամավոր՝ Հայկ Սարգսյանի հետ։
Լուսինե ԲՈՒԴԱՂՅԱՆ
