Այս պահին ՀՀԿ երիտասարդական կազմակերպության նախագահ Հայկ Մամիջանյանը եւ եւս մի քանի քաղաքացի ոստիկանության Կենտրոնի բաժանմունքում են: Այս մասին ֆեյսբուքյան իր էջում գրել է պարոն Մամիջանյանը՝ նշելով, որ իրենց բերման են ենթարկել կառավարության շենքի մոտից. «Բերել էինք դեղերը: Այս պահին բերման ենք ենթարկվել: Չեն ուզում էլի մարդու դեղերը տանք»,-գրել է Հայկ Մամիջանյանը:
Հիշեցնենք, որ դեկտեմբերի 2-ին հրապարակվել է ՀՀ կառավարության 2020թ. դեկտեմբերի 2-ի թիվ 1917-Ն որոշումը, որով այլևս վերացվել են 2020թ. սեպտեմբերի 27-ից հանրապետությունում հայտարարված ռազմական դրության շրջանակներում կիրառված հավաքների և գործադուլների կազմակերպման, անցկացման և դրանց մասնակցելու արգելքը, ՀՀ տարածք մուտքի և ելքի հատուկ ռեժիմը և հրապարակումների, հաղորդումների իրականացման սահմանափակումներն ամբողջությամբ:
Լուսինե ԲՈՒԴԱՂՅԱՆ
