Գերմանիան ԵԱՀԿ Մինսկի խումբը համարում է հարմար գործիք Լեռնային Ղարաբաղում կայուն կարգավորման հասնելու համար: Այս մասին հայտարարել է Գերմանիայի արտգործնախարար Հեյկո Մաասը:
«Եվրոպան վերջին 30 տարում դարձել է առավել ժողովրդավար, ազատ և հարուստ: Բայց այսօր մենք նորից պետք է գործ ունենանք ճգնաժամերի և հակամարտությունների աճող թվի հետ, այդ թվում Եվրոպայում»,- հայտարարել է նա ԵԱՀԿ ԱԳՆ ղեկավարների խորհրդում:
Ուստի, նրա խոսքով, ԵԱՀԿ դերը պահանջված է որպես միջազգային, բազմակողմ ֆորում հակամարտությունների կարգավորման, այդ թվում սովորական սպառազինությունների վերահսկման ոլորտում:
Խոսելով հակամարտության կոնկրետ կետերի մասին՝ արտգործնախարարը նշել է նաև Լեռնային Ղարաբաղը:
Կարդացեք նաև
«Մեր կարծիքով, Մինսկի խումբը, ինչպես և նախկինում, մնում է հարմար շրջանակ քաղաքական լուծում և տեղի բնակչության համար կայուն խաղաղություն ապահովելու համար: Մինսկի խումբն ունի մանդատ, կա ներուժ մասնակցելու վստահության ձևավորման, ենթակառուցվածքների վերականգման գործում: Ընդ որում, անհրաժեշտ է ուժեղացնել տեղում ԵԱՀԿ լիազորված ներկայացուցչի ներկայությունը»,- հայտարարել է Մաասը:
Պատրաստեց՝ Վիկտորյա ԱՆԴՐԵԱՍՅԱՆԸ
