Կառավարությունն այսօր հաստատեց աշխատանքի եւ սոցիալական հարցերի նախարարության ներկայացրած որոշման նախագիծը, ըստ որի նախատեսվում է սոցիալական աջակցություն տրամադրել սեպտեմբերի 27-ին Արցախում պատերազմական գործողությունների հետեւանքով քաղաքացիական անձանց շրջանում զոհերի ընտանիքներին եւ հաշմանդամություն ձեռք բերած անձանց։
Այս միանվագ աջակցությունը տրամադրվելու է ՀՀ եւ ԱՀ քաղաքացիներին:
1. առաջին խմբի հաշմանդամություն ձեռք բերելու դեպքում` 3.000.000 ՀՀ դրամի չափով,
2. երկրորդ խմբի հաշմանդամություն ձեռք բերելու դեպքում` 2.000.000 ՀՀ դրամի չափով,
Կարդացեք նաև
3. երրորդ խմբի հաշմանդամություն ձեռք բերելու դեպքում` 1.000.000 ՀՀ դրամի չափով,
4. հաշմանդամ երեխայի կարգավիճակ ձեռք բերելու դեպքում՝ 3.000.000 ՀՀ դրամի չափով,
5. զոհված քաղաքացիական անձանց ընտանիքների դեպքում՝ 5.000.000 ՀՀ դրամի չափով:
Նախագիծը զեկուցող աշխատանքի եւ սոցիալական հարցերի նախարար Մեսրոպ Առաքելյանն ասաց, որ հարցը քննարկել են ՀՀ եւ Արցախի հանրապետության Մարդու իրավունքների պաշտպանների հետ, նրանք տրամադրել են տեղեկություն ՀՀ եւ ԱՀ տարածքում զոհերի եւ վիրավորների վերաբերյալ։
Այս միջոցառումից օգտվելու համար անհրաժեշտ է ներկայացնել էլեկտրոնային դիմում մինչեւ 2021 թվականի ապրիլի 1-ը։
Նելլի ԲԱԲԱՅԱՆ
