«Չեմ ուզում փակագծերը բացել, բայց թող ժողովուրդն իմանա, որ այն սպասելիքները, որոնք արտաբերվել էին այս ընթացքում՝ ապագա զարգացումների հետ կապված, նոր ձեւավորվելիք անցումային կառավարության մասին, վաղը հայտարարության տեսքով կներկայացվեն եւ առաջին օրերին մեծ հանրահավաք կլինի»,- այսօր «Արժանապատվության երթի» ժամանակ, լրագրողների հետ զրույցում ասաց ՀՅԴ-ական Արծվիկ Մինասյանը:
Լրագրողների ճշտող հարցին ի պատասխան, Արծվիկ Մինասյանն ասաց, որ ամսի 5-ին, Ազատության հրապարակում կայանալիք 17-ի հանրահավաքի ժամանակ նաեւ անցումային կառավարության ղեկավարի անունը կհրապարակվի:
Արծվիկ Մինասյանի կարծիքով, Ռուսաստանի նկատմամբ Նիկոլ Փաշինյանի եւ իր վարչախմբի քաղաքականությունը պատճառներից մեկն է, որ Հայաստանն այս իրավիճակում է հայտնվել. «Համոզված եմ, որ ցանկացած նոր իշխանություն, որն ի վիճակի կլինի Ռուսաստանի հետ ձեւավորելու արդյունավետ, դաշնակցային, վստահելի հարաբերություններ, որտեղ մեր քաղաքացիների եւ մեր պետության շահը կդիտվի որպես առաջնային, Ռուսաստանի իշխանությունները, բնականաբար, ընդունելու են եւ համագործակցելու են այդպիսի իշխանության հետ»:
Գործող իշխանությունն, ըստ նրա, շարունակելու է հասարակության պառակտման գործընթացը, եւ միայն ազգային իշխանությունն է, որ ունակ է այս իրավիճակը կարգավորելու:
Կարդացեք նաև
Նելլի ԳՐԻԳՈՐՅԱՆ
