Ռազմագերիների փոխանակման հարցում Ադրբեջանը հանդես է գալիս «բոլորը բոլորի դիմաց» սկզբունքով: Այս մասին հաղորդում է «ՌԻԱ Նովոստին»՝ վկայակոչելով Ադրբեջանի՝ Ռազմագերիների և անհետ կորածների հարցերով պետական հանձնաժողովի հաղորդագրությունը:
«Ադրբեջանի Հանրապետությունը հավատարիմ է բոլոր պատանդների և գերիների փոխանակման «բոլորը բոլորի դիմաց» սկզբունքով»,- ասվում է հաղորդագրության մեջ:
Հաղորդագրության մեջ նաև նշվում է, որ ադրբեջանական կողմը պարբերաբար Կարմիր Խաչի Միջազգային Կազմակերպությանը և ռուս խաղաղապահների հրամանատարությանը տեղեկատվություն է տրամադրում հայ ռազմագերիների մասին: Ըստ ադրբեջանական կողմի՝ ստեղծվել են բոլոր պայմանները ԿԽՄԿ-ի կողմից նրանց այցելությունների համար, որոշ ռազմագերիների համար կազմակերպվել է հեռախոսային կապ ծնողների հետ:
«Շարունակվում են կապերը ԿԽՄԿ-ի և ՌԴ խաղաղապահ ուժերի հրամանատարության հետ անհետ կորած համարվող մեր զինծառայողների ճակատագիրը պարզելու համար»,- ասվում է հաղորդագրության մեջ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
