Ռոբերտ Քոչարյանի պաշտպան Հայկ Ալումյանն այսօր լրագրողների հետ զրույցում, անդրադառնալով վարչապետ Նիկոլ Փաշինյանի եւ դատավորների հանդիպմանն, ասաց, որ վարչապետի մոտ էին գնացել այն դատական ատյանների ղեկավարները, որոնք պատասխանատու են հավաքների արգելքների եւ նաեւ վերջին շրջանի այն որոշումների համար, ըստ որոնց՝ բազմաթիվ դեպքերում մեղադրյալները չեն կալանավորվել. «Հասկացվեց այնպես, որ վարչապետը ասաց՝ եկեք, քննարկենք, հասկանանք, թե դատարաններն ինչու են այսպիսի որոշումներ կայացրել, այսինքն` դատարանների ուժի մեջ մտած որոշումները դարձնում է քննարկման առարկա, սա չպետք է լիներ»:
Հայկ Ալումյանը պատասխանելով «պատերի տակ վնգստացող դատավորների»՝ Նիկոլ Փաշինյանի կողմից արված հայտարարությանը, որը վերջերս էլ վարչապետն օգտագործեց, ասաց՝ եթե 2018-ին դատական համակարգը ճիշտ ձեւով այդ հարցը բարձրացներ ու ճիշտ ձեւով արձագանքեր՝ չէինք ունենա շատ խնդիրներ, անգամ այնպիսի խնդիրներ, որոնք այդ ամենի հետ կապ չունեն:
Հայկ Ալումյանը խոսեց նաեւ Ռոբերտ Քոչարյանի կորոնավիրուսի թեստի պատասխանը քննարկման առարկա դարձնելու մասին:
«Որոշ քայլեր մեր կողմից լինելու են, բայց թե ինչ քայլեր կլինեն դրանք եւ մնացածը, մենք դեռ պատրաստ չենք հրապարակայնացնել»:
Կարդացեք նաև
Լուսինե ԲՈՒԴԱՂՅԱՆ
