ՀՀ վարչապետ Նիկոլ Փաշինյանի հետ հանդիպման ընթացքում քննարկվել են ընդհանուր խնդիրները, դրանց լուծման հնարավոր ուղիներն ու առկա իրավիճակը։ «Հայկական ժամանակ»-ի հետ զրույցում ասաց Բարձրագույն դատական խորհրդի գիտնական անդամ Վիգեն Քոչարյանը։
– Ձեր՝ որպես ԲԴԽ անդամի կարծիքով՝ դատավորների հանդիպումը Կառավարության ղեկավարի հետ ինքնին խնդրահարու՞յց է թե՞ ոչ։
– Ես դրանում խնդրահարույց բան չեմ տեսնում, սա առաջին անգամը չէ, երբ գործադիր, օրենսդիր եւ դատական իշխանության ներկայացուցիչները հանդիպում եւ քննարկումներ են ունենում, եւ կարծում եմ՝ դա նորմալ գործընթաց է։
– Պարո՛ն Քոչարյան, հանդիպման ընթացքում դատավորների նկատմամբ կոնկրետ գործերով ուղղակի կամ անուղղակի ճնշման փորձ եղե՞լ է։
Կարդացեք նաև
– Ոչ, խոսք է եղել ընդհանուր իրավիճակի, խնդիրների մասին, եւ բնականաբար, որեւէ առանձին քրեական գործի վերաբերյալ քննարկում տեղի չի ունեցել։
– Իսկ հանդիպման մասնակիցների կազմն ինչպե՞ս է ընտրվել․ հրավեր է ուղարկվել, ոմանք ընդունե՞լ են, ոմանք՝ ո՞չ։
– Ոչ, ես կոնկրետ հրավերը ստացել եմ Դատական դեպարտամենտի միջոցով։ Հրավիրվել է ոչ թե ԲԴԽ-ն ամբողջությամբ, այլ ԲԴԽ 4 ներկայացուցիչ․ 2-ը՝ ԲԴԽ դատավոր անդամ, 2-ը՝ գիտնական անդամ։
Միլենա ԽԱՉԻԿՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
