Կուսակցության երեք անդամներ մարմնական վնասվածքներ են ստացել Կիևյան 4/3 հասցեում՝ ՀՀ ԱԺ «Իմ քայլը» խմբակցության պատգամավոր Կորյուն Մկրտչյանի տան մոտ անցկացվող բողոքի ցույցի ժամանակ:
«Դիմել ենք իրավապահներին, այս պահին զբաղվում է ոստիկանությունը: Հիմա հիվանդանոցում են. մեր ակտիվիստներին են այցելել»,-քիչ առաջ Aravot.am-ի հետ զրույցում տեղեկացրեց Ռեֆորմիստների կուսակցության նախագահ Վահան Բաբայանը:
Հիշեցնենք՝ կուսակցության երեք անդամներ մարմնական վնասվածքներ են ստացել Կիևյան 4/3 հասցեում՝ ՀՀ ԱԺ «Իմ քայլը» խմբակցության պատգամավոր Կորյուն Մկրտչյանի տան մոտ անցկացվող բողոքի ցույցի ժամանակ:
Կարդացեք նաև
Կուսակցության անդամները տեսանյութով արձանագրել են, թե ինչպես են իրենց վրա հարձակում գործում: Տեսանյութում երևում է, թե ինչպես են հարձակվում և վիրավորական արտահայտություններ հնչեցնում:
Վահան Բաբայանը տեղեկացրեց՝ այս պահին տուժածները հետազոտվում են:
Մեր հարցին՝ կասկածյալների շրջանակ կա՞, Վահան Բաբայանը պատասխանեց. «Ես ինքս այնտեղ չեմ եղել: Տեսանյութը կա, հրապարակել ենք. ամեն ինչ այնտեղ երևում է: Դրանից ավել որևէ տեղեկություն չունեմ այդ մարդկանց՝ ով լինելու մասին»:
Վահան Բաբայանն ասաց՝ բողոքի ցույցերը պատգամավորների տների մոտ շարունակվելու են: Կատարվածին գնահատական տալով՝ ասաց. «Սա ևս մեկ անգամ ապացուցում է Նիկոլ Փաշինյանի իշխանության անհանդուրժողականությունը, իր վարած քաղաքականությունը և այն ամենը, ինչի մասին մենք խոսում էինք վերջին երկուսուկես տարիների ընթացքում, այսօր իրականություն է: Մարդիկ այսօր խոսելու, կարծիք հայտնելու իրավունք նույնիսկ չունեն: Խուլիգանավարի մարդկանց բերաններն ուզում են փակել»:
Տաթև ՀԱՐՈՒԹՅՈՒՆՅԱՆ
Լուսանկարները՝ Վահան Բաբայանի ֆեյսբուքյան էջից
