Ադրբեջանական կողմում գտնվող հայ ռազմագերիների եւ քաղաքացիական անձանց վերադարձի պահանջով հայ մտավորականությունն այսօր Երեւանի կենտրոնից երթով շարժվելու է դեպի Ֆրանսիայի դեսպանատուն:
«Տղաս կես ժամ տուն գալիս ուշանա՝ անհանգստանում ենք: Իսկ այս ծնողները մեկ ամսից ավելի՝ իրենց երեխաներից մի լուրի են սպասում…շատ դաժան է, դժվար է, դա է ինձ այստեղ բերել, որպեսզի դիմենք միջազգային կառույցներին: Գոնե իրենք օգնեն՝ ինչով որ կարող են»,-լրագրողների հետ զրույցում ասաց երթի մասնակից, ՀՀ ժողովրդական արտիստ Աշոտ Ղազարյանը:
«Ես էլ չեմ կարողանում քնել…դաժան է, շատ դաժան»,-ցավով նշեց նա:
Լրագրողները հետաքրքրվեցին՝ նման երթին մասնակցելը ենթադրո՞ւմ է, որ իշխանությունների գործողություններից դժգոհ է: Աշոտ Ղազարյանը պատասխանեց, որ իրենց պահանջը վերաբերում է որդիներին վերադարձնելուն, որեւէ քաղաքական բան չկա. «Իշխանությունը շատ բան ունի անելու, լռում են: Գոնե մենք ինչ-որ բան անենք: 71 տարեկան եմ. մի անգամ տեսե՞լ եք, որ ես քաղաքականության մեջ լինեմ: Կյանքում չեմ սիրել քաղաքականությունը: Նախ՝ չեմ հասկանում, բացի դա՝ չեմ էլ սիրում: Այս երթը ճիշտ հայի, զգացմունքային հայի շարժում է»:
Կարդացեք նաև
Լուիզա ՍՈՒՔԻԱՍՅԱՆ
