Ավագանու անդամ Իզաբելլա Աբգարյանը ֆեյսբուքյան իր էջում գրել է. «Արամ Սարգսյանը, փորձելով մեղմել ներքաղաքական բևեռացումը, կոչ է արել համախմբվել խնդիրները լուծելու շուրջ՝ համարելով, որ բոլորի ռեսուրսներն ու կապերը պիտի օգտագործվեն ճգնաժամի հաղթահարմանը ու առաջնային խնդիրների լուծմանը:
Կարծես պիտի բոլորը դա գիտակցեն, այս պահին խնդիրների վրա կենտրոնանան, հետո ինչքան ուզեն իրար հոշոտեն: Բայց տեսա լրատվականներում մեկնաբանությունները ու թևաթափ եղա: Հոշոտում են ու պիտակավորում Արամ Սարգսյանին՝ Վարդան Պետրոսյանի ասած «Սովետաշենի շները»:
Հետո կարդացի վարչապետի գրառումն ու էլի սարսափեցի: Ոխերիմ թշնամիներ Տեր-Պետրոսյանն ու Քոչարյանը պատրաստ են եղել միասին մեկնել իրավիճակ փրկելու, բայց փաստացի նրանց դա անել թույլ չի տրվել: Բերված պատճառաբանումը, մեղմ ասած, անհասկանալի է:
Ավելին, փաստացի խոստովանվում է ժողովրդավարության գլխավոր սկզբունքներից մեկի՝ իշխանությունների տարանջատման խախտումը, երբ գործադիրը միջամտում է դատականին: Բոլորս ենք հասկանում, որ օրհասական իրավիճակում ժողովրդավարության սկզբունքները կարող են ստորադասվել պետության շահին, բայց պարտադիր չէ այդ մասին հայտնել ի լուր աշխարհի…
Կարդացեք նաև
«Ով հայ ժողովուրդ, քո միակ փրկությունը քո միասնական ուժի մեջ է»,- տարիներ շարունակ մեջբերում ենք մեծն Չարենցին, բայց անում ճիշտ հակառակը»:
