Արցախում ժամկետային ծառայություն անցնող զինվորների ծնողներն այսօր կառավարության դիմաց գրեցին ու հրապարակեցին վարչապետ Նիկոլ Փաշինյանին ուղղված իրենց պահանջագրի կետերը:
Հիշեցնենք, որ ըստ ծնողների՝ վարչապետը մինչեւ ամսի երեսունը ժամանակ է խնդրել, իսկ իրենք պահանջում են Արցախում այժմ ծառայող զինվորներին ժամ առաջ տեղափոխել ՀՀ՝ ծառայությունը հայաստանյան զորամասերում ավելի նպաստավոր պայմաններում իրականացնելու համար:
Ծնողները վարչապետից պահանջում են Հանրային հեռուստաընկերության եթերով տեսաուղերձով հստակ նշել.
Կարդացեք նաև
-Ներկայում Արցախում գտնվող ՀՀ քաղաքացի ժամկետային զինծառայողների՝ ՀՀ վերադարձի վերաբերյալ ուղիները որո՞նք են:
-Արդյոք պատրաստվո՞ւմ եք տասը որում այդ զինծառայողներին փոխարինել պայմանագրային զինծառայողներով կամ այլ հիմունքով ծառայողներով:
-Ի՞նչ ժամկետներ եք պատրաստվում ապահովել՝ Արցախում գտնվող ժամկետային զինծառայողների տարրական սանիտարական եւ հիգիենայի նորմերն ապահովելու ուղղությամբ:
Ծնողները պահանջում են, որ երկու օրում (վաղը երկրորդ օրն է) այս հարցերի պատասխանները վարչապետի կողմից հրապարակվեն, այլապես ստիպված կլինեն այլ՝ կտրուկ քայլեր ձեռնարկել, որոնք չեն բխում ՀՀ-ում այս պահին ստեղծված իրավիճակից:
Լուիզա ՍՈՒՔԻԱՍՅԱՆ
