Անկարան «կանխակալ և իրականությունից կտրված» է համարում Եվրախորհրդարանի կողմից իր դեմ ընդունված բանաձևը, որով կոչ էր արվում ԵՄ խորհրդին պատժամիջոցներ սահմանել Թուրքիայի և Հյուսիսային Կիպրոսի Թուրքական Հանրապետության դեմ: Այս մասին հայտարարել է Թուրքիայի ԱԳՆ մամուլի խոսնակ Համի Աքսոյը:
«Մենք ամբողջությամբ հերքում ենք Եվրախորհրդարանի բանաձևը մեր երկրի և Հյուսիսային Կիպրոսի Թուրքական Հանրապետության դեմ… Այդ որոշումը, որն անկասկած ընդունվել է Կիպրոսի հունական համայնքի թելադրանքով, ցույց է տալիս, թե որքան կանխակալ և իրականությունից կտրված է Եվրախորհրդարանը Կիպրոսի հարցով»,- ասել է Աքսոյը:
Նրա խոսքով՝ այդպիսի դիրքորոշումը չի ծառայում Եվրամիության շահերին, Թուրքիայի հետ նրա հարաբերությունների բարելավմանը և կիպրական հարցի կարգավորմանը:
«Մենք առաջարկում եմ Եվրախորհրդարանին և Եվրամիությանը ընդունել իրողությունը Կիպրոսում և այնտեղ թուրքական համայնքի առկայությունը, ինչպես նաև կատարել ԵՄ պարտավորությունները թուրքերի և կիպրոսցիների առջև: Թուրքիան կշարունակի վճռականորեն պաշտպանել ինչպես իր, այնպես էլ նրանց իրավունքները՝ չտրվելով սպառնալիքներին ու շանտաժին և շարունակելով երկխոսությանն ուղղված ջանքերը»,- ասել է Աքսոյը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
