«Սրիկայություն եւ վայրենություն». այսպես է ռուս բլոգեր Իլյա Վառլամովը որակել ադրբեջանցի զինվորների կողմից հայկական գերեզմանները պղծելու գործողությունները:
Նա մասնավորապես գրում է. «Հրադադարի հաստատումից մի որոշ ժամանակ անց հայտնի դարձավ, որ Արցախի հայերը ոչ միայն լքում են տները, այլ իրենց հետ տանում են հարազատների աճյունները, որպեսզի իրենց հողեր ներխուժած ադրբեջանցիները չկարողանան պղծել գերեզմանները: Այն ժամանակ դա մեզ տարօրինակ էր թվում, բայց այսօր ամեն բան պարզ դարձավ: Հայերը ճիշտ էին կանխատեսել եւ մի բան գիտեին: Ադրբեջանցի զինվորը «Տիկ-Տոկ»-ում տեսանյութ է հրապարակել, որտեղ երեւում է, թե ինչպես են Ադրբեջանի բանակի զինվորները ոչնչացնում հայկական գերեզմանները եւ ուրախ ծիծաղում են:
Այդպիսի արարքներն ինձ բացարձակապես անհասկանալի են, ինչպես «Իսլամական պետության» կողմից Պալմիրայի հուշարձաններն ավիրելը կամ Աֆղանստանում Բուդդայի հուշարձանը ոչնչացնելը:
Հավանաբար, ադրբեջանցիները հիմա շատ են ուզում գործել «վայ պարտվածին» սկզբունքով: Սակայն նրանք դրանով ավելի են չարացնում հայերին, որոնց մեծ մասը նոյեմբերյան նահանջը համարում է ազգային խայտառակություն: Իսկ դա հեռանկարում, ինչպես հասկանում եք, նշանակում է նոր պատերազմ եւ նոր զոհեր: Ինչո՞ւ եւ ո՞ւմ է դա պետք:
Կարդացեք նաև
Հուսով եմ, որ ադրբեջանական բանակի դուրսպրծուկների այս արարքները կդատապարտվեն»:
Աշոտ ՀԱԿՈԲՅԱՆ
#Azerbaijan forces started cynically destroying #Armenian graves in #Karvajar once they entered the region yesterday.
— Artak Beglaryan (@Artak_Beglaryan) November 26, 2020
This is a widespread #WarCrime among Az soldiers encouraged by their state & society.
Nobody & nothing #Armenia|n meets respectful treatment by Azerbaijanis. pic.twitter.com/v6iy2RVBlp
