ԳՇ պետի առաջին տեղակալ Տիրան Խաչատրյանը ասուլիսում հասատատեց այն լուրը, որ Սոթքի ոսկու հանքը կիսով չափ մեզ է պատկանում, կիսով չափ ադրբջանական կողմում է: Նա նշել է, որ ռուսական կողմը կազմակերպում է տարածքի պահպանությունը:
Նաեւ հավելել է, որ այդ տարածքում խաղաղապահներ ընդգրկված չեն եղել: ԳՇ պետի տեղակալը նշել է նաեւ, որ տեղյակ չէ՝ հետո կլինեն թե ոչ:
«Ըստ պայմանավորվածության՝ հայկական զինված ուժերը եւ այդ տարածքի ազգաբնակչությունը երկարաձգված ժամկետով ամսի 25-ին պետք է Քարվաճառի շրջանից ամբողջությամբ դուրս եկած լինի, որը եւ իրականացվել է: Զորքերի հետ կապված աշխատանքներն իրականացվել են նախապես պլանավորված բնույթով…Ամեն դեպքում, այն, ինչ իրականացվել է մինչ այսօր, իրականացվել է պլանավորվածին համապատասխան եւ ճշգրիտ ժամանակացույցով»,-շեշտել է նա:
Գոհար ՀԱԿՈԲՅԱՆ
Խնդրում եմ ասեք, ինչ նախարարություն է “ԳՇ” հապավումը ։ Ընդերքի՞, Շրջակա միջավայրի պահպանությա՞ն ․․․ Ի՞նչ կառույց է։ Շնորհակալություն ։
Գլխավոր շտաբ