Այսօր ԱԺ-ում «Լուսավոր Հայաստան» խմբակցության ղեկավար Էդմոն Մարուքյանը լրագրողների հետ զրույցում ասաց, որ իշխանությունները շատ մանիպուլյատիվ հայտարարություններ են անում՝ ռազմական դրությունը պահելով: Ըստ նրա, ոչ մի հարցի պատասխան չունեն, ուղղակի եկել են, ասում են՝ ռազմական դրությունը պահենք. «Նոր պատերազմի վտանգ կա ֆեյսբուքյան գրառումներում, չի կարելի մեր ժողովրդին շարունակաբար պահել ահ ու սարսափի մեջ»:
Հարցին՝ վարչապետին անվստահություն հայտնելու գործընթաց խորհրդարանում հնարավո՞ր է իրականացնել՝ Մարուքյանը պատասխանեց, որ վարչապետի հրաժարական կարող է լինել, բայց անվստահություն հայտնելու գործընթաց հնարավոր չէ. «Մենք նման օրակարգ չունենք, մենք ԲՀԿ-ի հետ 1/3 ստորագրություն էլ չունենք, որ ահ ու սարսափի մեջ են: Բայց ընդդիմության մեխանիզմները պետք է միշտ գործեն ու ոչ մի ռազմական դրություն չպետք է խանգարի»:
Մարուքյանն ասաց, որ ԳՇ պետ Օնիկ Գասպարյանն ասել էր, որ ռազմական դրությունը կարող են հանել յոթ օրից, հիմա ի՞նչ կարիք կա նորից ԳՇ պետին հարցնել: Մենք հիշեցրինք Անդրանիկ Քոչարյանի երեկվա փաստարկը՝ կյանքն իր ուղղումներն է մտցնում, այլ բան է թելադրում՝ Մարուքյանն արձագանքեց. «Կյանքը կարող է շատ բան թելադրի իրենց արդեն, որովհետեւ շատ վատ է իրենց վիճակը, բայց մենք հիմա քննարկում ենք կյանքը՝ ռազմական դրության ժամանակ, որը դառնում է անտանելի, հետեւաբար պետք է հանել ռազմական դրությունը»:
Կարդացեք նաև
Հռիփսիմե ՋԵԲԵՋՅԱՆ
