Ադրբեջանի խորհրդարանը կոչ է արել երկրի կառավարությանը վերանայել տնտեսական և քաղաքական հարաբերությունները Ֆրանսիայի հետ՝ այդ երկրի Սենատի կողմից Ղարաբաղի հարցով ընդունված բանաձևի պատճառով, հաղորդում է «ՌԻԱ Նովոստին»:
Այսօր Ադրբեջանի խորհրդարանում ընդունվել է հայտարարություն, որում բողոք է արտահայտվում Ֆրանսիայի Սենատի բանաձևի նկատմամբ:
«2020թ. նոյեմբերի 10-ին Ադրբեջանի և Ռուսաստանի նախագահների և Հայաստանի վարչապետի կողմից ստորագրված հայտարարությունը վերջ դրեց Լեռնային Ղարաբաղի հակամարտությանը: Այդ եռակողմ համաձայնագիրը նշանակում է ՄԱԿ-ի ԱԽ ընդունած 4 բանաձևերի իրականացում, որոնք պաշտպանել էր նաև Ֆրանսիան: Նշված հայտարարությունը նաև ապահովում է նաև այլ հեղինակավոր միջազգային կառույցների ընդունած փաստաթղթերի իրականացում: Միլի Մեջլիսը հիշեցնում է, որ նոր իրողությունները պետք է ընդունվեն բոլորի կողմից»,- ասվում է հայտարարության մեջ:
Ադրբեջանի խորհրդարանը դիմել է երկրի կառավարությանը՝ առաջարկելով վերանայել հարաբերությունները Ֆրանսիայի հետ: «Դիմել ԵԱՀԿ ղեկավարությանը՝ Ֆրանսիային ԵԱՀԿ Մինսկի խմբից բացառելու համար: Վերանայել և խորությամբ վերլուծել քաղաքական և տնտեսական կապերը Ադրբեջանի և Ֆրանսիայի կառավարությունների միջև»,- ասվում է հայտարարության մեջ:
Կարդացեք նաև
Փաստաթուղթը դրվել է քվեարկության և ընդունվել:
Պատրաստեց՝ Վիկտորյա ԱՆԴՐԵԱՍՅԱՆԸ
