Այսօր կառավարության նիստում երկու որոշում ընդունվեց կառավարության պահուստային ֆոնդից ՀՀ վարչապետի աշխատակազմին գումար հատկացնելու վերաբերյալ։
Գումարը հատկացվելու է Մարդու իրավունքների եվրոպական դատարանի որոշումներն իրականացնելու համար։ Ըստ այդմ, ՄԻԵԴ-ի այս տարվա սեպտեմբերի 24-ին հրապարակած որոշմամբ՝ ՀՀ կառավարությունը պարտավորվում է «Խանդամիրյանը եւ Սարգսյանն ընդդեմ Հայաստանի» գործով (գանգատներ թիվ 1939/18 եւ 10169/18) հատկացնել 3300 եվրոյին համարժեք դրամ՝ սահմանված արդարացի հատուցման համար:
Մարդու իրավունքների եվրոպական դատարանի մեկ այլ որոշումն էլ վերաբերում է «Դավթյանը եւ այլք ընդդեմ Հայաստանի» գործին, (գանգատ թիվ 25968/16) որով ՀՀ կառավարությունը պարտավոր է դիմումատուին երեք ամսվա ընթացքում վճարել 4,500 եվրո։
Որոշմամբ սահմանված հատուցման գումարի վճարման վերջնաժամկետը 2020 թվականի դեկտեմբերի 24-ն է:
Կարդացեք նաև
Նելլի ԲԱԲԱՅԱՆ
