Ֆրանսիայի Սենատի բանաձևը, որով կոչ է արվում կառավարությանը ճանաչել Լեռնային Ղարաբաղի անկախությունը, կարող է գնահատվել միայն որպես սադրանք: Այս մասին հայտարարել է Ադրբեջանի ԱԳՆ մամուլի ծառայությունը՝ մեկնաբանելով ֆրանսիացի խորհրդարանականների բանաձևը:
«Սենատի կողմից միանգամայն կանխակալ բանաձևի ընդունումը կարող է գնահատվել միայն որպես սադրանք: Ֆրանսիայի հայերը կարծես թե լայնորեն օգտագործում են հակամարտության թեման նախընտրական նպատակներով»,- ասվում է Ադրբեջանի ԱԳՆ հաղորդագրության մեջ:
ԱԳՆ-ում ընդգծել են, որ բանաձևը չունի իրավական ուժ: «Բայց հաշվի առնելով այդ փաստաթղթի քաղաքական նշանակությունը՝ դրա ընդունումը Ֆրանսիայում, որն ունի միջնորդի մանդատ, լուրջ կասկածներ է առաջացնում այդ երկրի չեզոքության վերաբերյալ»,- ասվում է հաղորդագրության մեջ:
Ադրբեջանի ԱԳՆ-ն խորհուրդ է տվել Ֆրանսիայի Սենատին «կանխակալ բանաձևեր ընդունելու փոխարեն զբաղվել այնպիսի գործունեությամբ, որը կնպաստի տարածաշրջանի խաղաղությանը, կայունությանն ու առաջընթացին»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
