Հայաստանի մարդու իրավունքների առաջին պաշտպան Լարիսա Ալավերդյանը «Հայելի» մամուլի ակումբում խոսելով Արցախյան պատերազմում հրադադար հաստատելու մասին նոյեմբերի 9-ի գիշերը ստորագրված ոչ հայանպաստ եռակողմ հայտարարության մեջ տեղ գտած իրավական բազմաթիվ թերությունների շուրջ՝ նշեց, որ որոշ բաներ կարելի է շտկել, սակայն դրա համար կա նախապայման:
«Նիկոլ Փաշինյանը ժամ առաջ պետք է հեռանա: Դա նախ եւ առաջ փրկություն է այդ անձի համար: Ինչո՞ւ: Որովհետեւ այդ անձի շարունակական մնալը կամ անգործությամբ է հանցագործություն գործում, կամ սխալ գործողություններով ավելացնում է իր մեղքի բաժինը: Այս առումով ես որպես իրավապաշտպան կոչ եմ անում. պետք չի շարունակել, պետք չի կուտակել այդ մեղքերը: Ինչքան շուտ ինքը դուրս գա, այնքան քիչ կլինի այդ մեղքի բաժինը»,-ասաց Լարիսա Ալավերդյանը:
Աշոտ ՀԱԿՈԲՅԱՆ
