«Ես շնորհակալ եմ իրեն՝ ազնիվ լինելու համար»,-«Հայելի» մամուլի ակումբում լրագրողների հետ հանդիպմանն այսօր անդրադառնալով ՀՀ ԶՈՒ ԳՇ նախկին պետ Մովսես Հակոբյանի բացահայտումներին՝ ասաց նախկին վարչապետ Հրանտ Բագրատյանը:
«Մովսեսն այն տղան է, որը «Նիվա»-ով քշեց տանկի դեմ: 91թ.-ի ամռանն Աղդամում (Ակնա) վերջին երկու տանկն էին գալիս, էլ մարդ չկար: Ոչ հրանոթ կար, ոչ արկ: Մոսին նստեց սպիտակ «Նիվա»-ն ու քշեց տանկի վրա: Տանկիստը մտածեց՝ «էս գիժն ո՞վ ա», շրջվեց ու փախավ: Մոսին այդ տղան է, իմացեք: Եվ դուք նման մարդուն արհամարհում էիք այս պատերազմում, ստորացնում»,-նշեց Բագրատյանը:
Նկատի ունենալով այն փաստը, որ ըստ Մովսես Հակոբյանի հայտարարության՝ տեւական ժամանակ վարչապետ Նիկոլ Փաշինյանը պատերազմի օրերին չի ընդունել իրեն, Հրանտ Բագրատյանն ասաց. «Փաշինյանը պետք է դուրս գա, կռանա, ոտքը համբուրի եւ նոր ընդունի նրան»:
Կարդացեք նաև
Լուիզա ՍՈՒՔԻԱՍՅԱՆ
