Sputnik Արմենիայի խմբագրությունը դիմել է 2008-2018 թթ․ ՀՀ արտաքին գործերի նախարար, 1999-2008 թթ․ Ֆրանսիայում ՀՀ արտակարգ և լիազոր դեսպան Էդվարդ Նալբանդյանին՝ խնդրելով մեկնաբանել Արցախի անկախության ճանաչման մասին Ֆրանսիայի Սենատում ներկայացված բանաձևը։
Sputnik – Ուրիշ ի՞նչ պետք է անեն բանաձևի նախագծի հեղինակները, որպեսզի այն Լեռնային Ղարաբաղի ճանաչման վերաբերյալ օրենք դառնա։
Էդվարդ Նալբանդյան – Ֆրանսիայի կողմից պաշտոնական ճանաչման համար հատուկ օրենք ընդունելու կարիք չկա։ Բավարար է տվյալ հարցով կառավարության որոշումը և այս որոշման հրապարակումը ԱԳՆ-ի կամ լիազորված համապատասխան պաշտոնական ներկայացուցչի կողմից, վերբալ նոտայի կամ որևէ այլ ձևաչափով։
Արդյոք ֆրանսիական կառավարությունը մոտակա ապագայում կգնա՞ նման քայլի։
Կարդացեք նաև
Պետք է նկատի ունենալ, որ այսօրվա դրությամբ Ֆրանսիայի հասարակակական կարծիքը Լեռնային Ղարաբաղի ճանաչման վերաբերյալ գործնականում ազգային կոնսենսուսի է վերածվում։
Բանաձևի գրեթե համանման նախագիծը դեռևս ս.թ. հոկտեմբերի 16-ին ներկայացվել էր Ֆրանսիայի Ազգային ժողովում, որի համահեղինակները երեք տասնյակից ավելի ֆրանսիացի պատգամավորներ են, որոնք ներկայացնում են Ֆրանսիայի ողջ քաղաքական ներկապնակը:
Լեռնային Ղարաբաղի Հանրապետությունը ճանաչելու կոչով Ֆրանսիայի կառավարությանը դիմում են Ֆրանսիայի տարբեր դեպարտամենտների, քաղաքային իշխանությունների տեղական մարմինները:
Նոյեմբերի 18-ին Փարիզի Քաղաքային խորհուրդը նույնպես բանաձև է ընդունել՝ կոչ անելով կառավարությանը ճանաչել Լեռնային Ղարաբաղը։
Նույնատիպ կոչով հանդես են եկել Ֆրանսիայի ակադեմիական շրջանակները, զանազան հասարակական կազմակերպություններ, համաշխարհային ճանաչում ունեցող Ֆրանսիայի ավելի քան 200 մշակույթի գործիչներ։
Լեռնային Ղարաբաղին և Հայաստանին համերաշխություն հայտնելու այդ գործընթացն ավելի ու ավելի մեծ թափ է հավաքում Ֆրանսիայի հասարակական շրջանակներում։
Նյութն ամբողջությամբ՝ սկզբնաղբյուր կայքում:
Ուշ է,շատ ուշ է պարոն Նալբանդյան….