Այսօր «Հենարան» ակումբում հրավիրված մամուլի ասուլիսում պատասխանելով հարցին, թե ինչպե՞ս կմեկնաբանի ԱԺ փոխնախագահ Լենա Նազարյանի այն հայտարարությունը, թե հող հանձնելու հարցում նախկինները գիտեին, որ դա նորերի՝ իրենց գլխին է կոտրվելու, մեդիա փորձագետ Տիգրան Քոչարյանը պատասխանեց. «Իրենք տարբեր ֆեյքային միջոցներով կամ խոսակցական տիրույթում թեզ են բրդում, թե Քոչարյանն ու Սերժը ծախել էին ամեն ինչ: Նիկոլը եկավ ու ի՞նչ պետք է աներ, եթե արդեն ծախած էր: Նիկոլը կարող էր չստորագրել, կարող էր երկրորդ հարկից իրեն գցել, կարող էր իր ձեռքերը վնասել, կարող էր հրաժարական տալ… Եթե մարդը չի ուզում մի բան ստորագրել, չի ստորագրում:
Ես խորհուրդ կտամ պաշտոնյաներին ուղղակի մեղա գալ: Իրենք պետք է հրաժարական տան ու սպասեն ՝ ով ինչ հոդվածով է դատվելու, ով՝ ինչ հոդվածով փրկվելու է»:
Աշոտ ՀԱԿՈԲՅԱՆ
