Տա­րած­ված ին­ֆոր­մա­ցիան, թե նո­յեմ­բե­րի 10-ի հայ­տա­րա­րու­թյա­նը քա­ղա­քա­կան ու­ժե­րը հոկ­տեմ­բե­րի 15-ին են տե­ղյակ ե­ղել, բա­ցար­ձակ սուտ է. Միքայել Նահապետյան. «Իրատես»

Նո­յեմ­բե­րի 10-ին Ար­ցա­խի վե­րա­բե­րյալ Հա­յաս­տա­նի, Ադր­բե­ջա­նի և Ռու­սաս­տա­նի նա­խա­գահ­նե­րի ըն­դու­նած հայ­տա­րա­րու­թյու­նը պար­տու­թյան մա­սին կա­պի­տու­լյա­ցիա­յի փաս­տա­թուղթ է: Այս տե­սա­կե­տին է «Քա­ղա­քա­ցու ո­րո­շում» կու­սակ­ցու­թյան գոր­ծա­դիր մարմ­նի ան­դամ ՄԻ­ՔԱ­ՅԵԼ ՆԱ­ՀԱ­ՊԵ­ՏՅԱ­ՆԸ: Հայ­տա­րա­րու­թյու­նը, ըստ նրա, հետևանք է հայ­կա­կան պե­տու­թյուն­նե­րի, հայ­կա­կան ռազ­մա­քա­ղա­քա­կան ղե­կա­վա­րու­թյուն­նե­րի մի շարք գոր­ծո­ղու­թյուն­նե­րի չի­րա­կա­նաց­ման: Ո՛չ հան­րու­թյու­նը, ո՛չ քա­ղա­քա­կան ու­ժե­րը չեն տե­ղե­կաց­վել, թե հա­վա­նա­կան պա­տե­րազ­մին դի­մա­կա­յե­լու ուղ­ղու­թյամբ ինչ աշ­խա­տանք­ներ են տար­վում կամ տար­վում են ար­դյոք:

-Ա­սա­ցիք, որ հա­սա­րա­կու­թյու­նը և քա­ղա­քա­կան ու­ժե­րը պետք է ի­մա­նա­յին, թե պա­տե­րազ­մի ըն­թաց­քում ի­րա­կա­նում ինչ է կա­տար­վում թե՛ դի­վա­նա­գի­տա­կան, թե՛ ռազ­մա­կան ճա­կատ­նե­րում։ Վար­չա­պետ Փա­շի­նյա­նը պա­տե­րազ­մի ըն­թաց­քում ար­տա­խոր­հր­դա­րա­նա­կան ու­ժե­րի հետ մի քա­նի հան­դի­պում­ներ է ու­նե­ցել, ո­րին նաև Ձեր կու­սակ­ցու­թյան ներ­կա­յա­ցու­ցիչն է մաս­նակ­ցել։ Փաս­տո­րեն, այդ հան­դի­պում­նե­րի ժա­մա­նա՞կ էլ չի ներ­կա­յաց­վել, թե ի­րա­կա­նում ինչ է կա­տար­վում։

-Խոս­քը ոչ թե պա­տե­րազ­մի ժա­մա­նակ ե­ղած ի­րա­վի­ճա­կի մա­սին պատ­շաճ տե­ղե­կու­թյուն տրա­մադ­րե­լու, այլ մինչև պա­տե­րազ­մը, խա­ղաղ ժա­մա­նակ­նե­րում հան­րու­թյանն ի­րա­զե­կե­լու մա­սին էր: Կար­ծում եմ՝ ժա­մա­նակն է, որ փո­խենք պե­տա­կան գաղտ­նի­քի մա­սին մեր պատ­կե­րա­ցում­ներն ու մարդ­կանց հետ ա­վե­լի բաց, ա­վե­լի ան­կեղծ աշ­խա­տենք: Ոչ թե ա­մեն ինչ փա­կենք, ու ոչ ոք ո­չինչ չի­մա­նա, այլ մար­դիկ ի­մա­նան՝ բա­նա­կում ինչ է կա­տար­վում, դի­վա­նա­գի­տա­կան հար­թա­կում ինչ պայ­մա­նա­վոր­վա­ծու­թյուն­ներ են ձեռք բեր­վել ու ինչ աշ­խա­տանք­ներ տար­վել դրանց ի­րա­կա­նաց­ման ուղ­ղու­թյամբ և այլն:

Փաս­տո­րեն, հան­րու­թյա­նը պե­տա­կան բո­լոր օ­ղակ­նե­րով հրամց­վում էր, թե մեր բա­նակն աշ­խար­հի ա­մե­նա­մար­տու­նակ­նե­րի տաս­նյա­կում, հիս­նյա­կում կամ հա­րյու­րյա­կում է, բայց պա­տե­րազ­մի երկ­րորդ, եր­րորդ օրն ար­դեն զին­վո­րա­կան­նե­րին անհ­րա­ժեշտ ռա­դիո­կա­պը, ջեր­մա­տե­սիլ սար­քերն ու բժշ­կա­կան լան­ցետ­նե­րը քա­ղա­քա­ցի­ներն էին ճա­րում: Ախր դրանք բա­ներ են, որ պա­հեստ­նե­րում տոն­նա­նե­րով պետք է լի­նեն:

Կարդացեք նաև

«Չվախնանք Արցախը Հայաստան է ըսելու։ Եթէ չըսենք այդ բոլորը, մենք անտեսած կ’ըլլանք մեր հերոսներուն թափած արեան արժէքը»

• 23:35 15.11.2024

«Դա երկերեսանիության, կեղծավորության ամենավառ ապացույցն է, և դժվար է այս ամենից հետո խոսել մարդու իրավունքների մասին»․ Գեղամ Ստեփանյանը՝ COP29-ի մասին

• 20:50 14.11.2024

Ընկեր Արթուրը իրենց բնորոշմամբ՝ «ազգային արժեքները ոչնչացնող», ոչ ընկեր Արայիկից խորհուրդ էր հարցնում. Արայիկ Հարությունյան

• 13:34 14.11.2024

Վե­րա­դառ­նա­լով Ձեր հար­ցին՝ հս­տա­կեց­նեմ, որ ռազ­մա­ճա­կա­տում տի­րող ի­րա­վի­ճա­կին տի­րա­պե­տել ենք ներ­քին խո­ղո­վակ­նե­րով, կա­պե­րով, դիր­քե­րում գտն­վող ու կազ­մա­կերպ­չա­կան աշ­խա­տանք­ներ ի­րա­կա­նաց­նող մեր ըն­կեր­նե­րի մի­ջո­ցով։ Հիմ­նա­կան կռ­վա­նը հետևյալն է՝ ինչ­պես մեկ­նա­բա­նել ստաց­վող տե­ղե­կատ­վու­թյու­նը: Ըստ մեր ու­նե­ցած տե­ղե­կու­թյուն­նե­րի ու դրանց վեր­լու­ծու­թյան՝ ի­րա­կան բե­կում մտց­նե­լու հնա­րա­վո­րու­թյուն է ե­ղել:

Ինչ վե­րա­բե­րում է վար­չա­պե­տի և ար­տա­խոր­հր­դա­րա­նա­կան ու­ժե­րի հան­դի­պում­նե­րին, ա­պա ու­զում եմ ըն­դգ­ծել՝ տա­րած­ված ին­ֆոր­մա­ցիան, թե նո­յեմ­բե­րի 10-ի հայ­տա­րա­րու­թյա­նը քա­ղա­քա­կան ու­ժե­րը հոկ­տեմ­բե­րի 15-ին են տե­ղյակ ե­ղել, բա­ցար­ձակ սուտ է: Փա­շի­նյա­նի հետ ա­ռա­ջին հան­դիպ­ման ժա­մա­նակ ռազ­մա­դաշ­տում տի­րող ընդ­հա­նուր ի­րա­վի­ճակն է քն­նարկ­վել: Այն ժա­մա­նակ դեռ Ֆի­զու­լին հայ­կա­կան ու­ժե­րի վե­րահս­կո­ղու­թյան տակ էր, կռիվ­ներ էին գնում Ջաբ­րա­յի­լում և Հադ­րու­թում: Քա­ղա­քա­կան ո­րոշ ու­ժեր այդ ի­րա­վի­ճա­կը որ­պես ա­նե­լա­նե­լի են ըն­կա­լել ու նշել, թե ռազ­մա­կան գոր­ծո­ղու­թյուն­նե­րը պետք է ան­հա­պաղ դա­դա­րեց­նել: Ո­րոշ ու­ժեր էլ, օ­րի­նակ՝ մենք, ա­սել ենք, որ հնա­րա­վոր է բե­կել այդ ի­րա­վի­ճա­կը: Քն­նարկ­վել են նաև Ար­ցա­խի ճա­նաչ­ման կամ կար­գա­վի­ճա­կի, ինչ­պես նաև հայ-ռու­սա­կան հա­րա­բե­րու­թյուն­նե­րի հետ կապ­ված հար­ցեր։

Երկ­րոր­դը շատ ա­վե­լի ծանր ու բարդ հան­դի­պում է ե­ղել։ Վար­չա­պե­տը հայտ­նել է, որ Ար­ցա­խի նա­խա­գահ Ա­րա­յիկ Հա­րու­թյու­նյանն ի­րեն նա­մա­կով տե­ղե­կաց­րել է, որ ար­ցա­խյան ռազ­մա­քա­ղա­քա­կան ղե­կա­վա­րու­թյու­նը հա­մա­ձայն է «Լավ­րո­վյան պլան» կոչ­վող կար­գա­վոր­ման տար­բե­րա­կին: Փա­շի­նյա­նը հա­վաք­ված­նե­րին վս­տա­հեց­րել է, որ հա­սա­րա­կու­թյան տրա­մադ­րու­թյուն­նե­րի շո­շա­փում կի­րա­կա­նաց­նի, ա­պա նոր պա­տաս­խան կտա նրան: Բայց այդ հան­դիպ­ման հա­ջորդ օրն ար­դեն ռազ­մա­ճա­կա­տի ի­րա­վի­ճա­կից ու հան­րա­յին, քա­ղա­քա­կան տրա­մադ­րու­թյուն­նե­րից, Իլ­համ Ա­լիևի հար­ցազ­րույց­նե­րից պարզ էր դառ­նում, որ Ադր­բե­ջա­նը հա­մա­ձայն չէ նման տար­բե­րա­կի:

Թե­զը, թե այդ ժա­մա­նակ քա­ղա­քա­կան ու­ժե­րին հայտ­նել են, որ հայ­կա­կան կող­մը գնում է կա­պի­տու­լյա­ցիա­յի, ի­րա­կա­նու­թյա­նը չի հա­մա­պա­տաս­խա­նում: Մեր կու­սակ­ցու­թյան դիր­քո­րո­շու­մը ե­ղել է հետևյա­լը. ե­թե մեր պար­տու­թյան հիմ­նա­կան պատ­ճա­ռը «Բայ­րաք­թար­ներն» են, իսկ Փա­շի­նյա­նի հան­դի­պու­մից ան­մի­ջա­պես հե­տո պաշտ­պա­նու­թյան նա­խա­րա­րու­թյու­նը հա­ղոր­դագ­րու­թյուն ու տե­սա­նյութ է տա­րա­ծում, որ Պաշտ­պա­նու­թյան բա­նակն ար­դեն կա­րո­ղա­նում է «Բայ­րաք­թար­ներ» խո­ցել, հետևա­բար, պա­տե­րազ­մի ըն­թաց­քը բե­կե­լու հնա­րա­վո­րու­թյուն կա։

Սեւակ ՎԱՐԴՈՒՄՅԱՆ

Հարցազրույցն ամբողջությամբ՝ «Իրատես» թերթի այսօրվա համարում

Լուսանկարը՝ Միքայել Նահապետյանի ֆեյսբուքյան էջից