WarGonzo ծրագրի ղեկավար, ռազմական լրագրող Սեմյոն Պեգովը, որն արցախյան պատերազմի ամբողջ ընթացքում գտնվել է առաջնագծի տարբեր հատվածներում, եւ շատ իրադարձությունների ականատեսը եղել, Շուշիի հանձնման մասին լուրջ բացահայտումներ է արել: «Ես գիտեմ, վստահ եմ, դրա ապացույցներն էլ կան, որ նույնիսկ համաձայնագիրը ստորագրելու պահին, Ադրբեջանի դրոշի օրվան ընդառաջ, ինչին պաշտոնական Բաքուն եւ Ալիեւը պատրաստվում էին, Շուշին ռազմական ճանապարհով չի վերցվել: Սա միանգամայն ճիշտ է: Գիշերային բանակցությունների ժամանակ Շուշիում գտնվել են Արցախի ՊԲ ստորաբաժանումները: Իմ տեղեկություններով, խոսքը քաղաքի տարբեր հատվածներում ընդհանուր առմամբ մեկ գումարտակի՝ մինչեւ 200 մարդու մասին է»,-հայտարարել է ռազմական լրագրողը եւ ասել, որ դրանում կարելի է համոզվել նոյեմբերի 9-ին իրենց արած նկարահանումների արխիվին ծանոթանալով:
«Գիտեմ նաեւ, որ քաղաքի մատույցներում էլի ստորաբաժանումներ են եղել, որոնք պատրաստ էին գրոհել, ճեղքել եւ մաքրել Շուշին: Դա նույնպես նոյեմբերի 8-ից 9-ի գիշերն էր: Տեղյակ եմ, որ նոյեմբերի 9-ի գիշերը՝ լուսադեմի ժամը հինգի սահմաններում մոտ 400 հոգու առաջադրված է եղել շարժվել առաջ՝ օգնելու այնտեղ գտնվող ստորաբաժանումներին, որպեսզի քաղաքը մաքրվեր ադրբեջանական խմբավորումներից, սակայն ժամը 5-ին չեղարկման հրաման են ստացել: Իսկ ավելի ուշ տեղեկացել են համաձայնագրի ստորագրման եւ մարտական գործողությունները դադարեցնելու մասին»,-ասել է Սեմյոն Պեգովը ու հրապարակել տեղի ունեցած իրադարձությունների այլ մանրամասներ:
Կարդացեք նաև
Աշոտ ՀԱԿՈԲՅԱՆ
